Плей-оффт өрсөлдөх шилдэг 16 багийн нэр тодорлоо

        Европын хөлбөмбөгийн Аваргуудын лигийн хэсгийн сүүлчийн тоглолтууд өчигдөр өндөрлөж, плей-оффт өрсөлдөх шилдэг 16 багийн нэр тодорлоо.

“E” хэсгийг Лондоны “Челси” тэргүүлж, Германы Шальке хоёроор гарлаа. Харин “F” хэсгийн эхний гурван баг адилхан 12 оноотой гарсан ч бөбмөгний зөрүүгээр Италийн “Наполи” хасагдаж, ирэх хавраас Европа лигт л тоглох эрхтэй боллоо. “G” хэсгийг Испанийн “Атлетико” итгэл төгс тэргүүлж, хойд хөршийн “Зенит” хоёроор гарав. Хэдийгээр оросууд сүүлийн учраа “Аустри”-д 1:4-өөр бутниргүүлсэн ч гол өрсөлдөгч “Порту”-г нь Мадридын баг дарж өгсөн билээ. “Н” хэсэгт Каталоны “Барселона” талбайдаа Шотландын “Селтик”-ийг 6:1-ээр илүүрхэхэд бразил довтлогч Неймар хет-трик хийжээ. Италийн “Милан” шийдвэрлэх тоглолтод “Аякс”-тай 0:0-ээр тэнцэж чадсанаар дараагийн шатанд шалгарлаа. Түүнчлэн цаг агаарын улмаас хойшлогдсон “Галатасарай”-“Ювентус”-ын тоглолтыг дахиулахад талбайн эзэд голланд хагас хамгаалагч Уэсли Снейдерийн 85 дахь минутад оруулсан гоолын ачаар дараагийн шатанд шалгарлаа.

Хэсгийн тоглолтын дараа 1/8 шигшээгийн багуудыг хоёр сагсанд хуваарилахад эхний сагсанд: “Манчестер Юнайтед”, “Реал”, “ПСЖ”, “Байерн”, “Челси”, “Борусси”, “Атлетико”, “Барселона” зэрэг хэсгээ тэргүүлсэн найман багтлаа. Харин хоёрдугаар сагсанд хэсэгтээ аман хүзүүдсэн “Байерн”, “Галатасарай”, “Олимпиакос, “Манчестер Сити”, “Шальке”, “Арсенал”, Милан”, “Зенит” зэрэг найман баг орлоо. Сугалаа ирэх даваа гаригт болох ажээ.

 

“B” хэсэг

Галатасарай (Турк) – Ювентус (Итали) 1:0

Гоол: Снейдер 85

Багууд                      Тт       Хо       Тэ       Хд       Б/Х     Оноо

1.Реал                        6          5          1          0          20-5    16

2.Галатасарай         6          2          1          3          8-14    7

3.Ювентус                 6          1          3          2          9-9      6

4.Копенгаген 6          1          1          4          4-13    4

 

“E” хэсэг

Челси (Англи) – Стяуа (Румын) 1:0

Гоол: Ба 10

Шальке 04 (Герман) – Базель (Швейцарь) 2:0

Гоол: Дракслер 51, Матип 57

Багууд                      Тт       Хо       Тэ       Хд       Б/Х     Оноо

1.Челси                      6          4          0          2          12-3    12

2.Шальке                   6          3          1          2          6-6      10

3.Базель                    6          2          2          2          5-6      8

4.Стяуа                      6          0          3          3          2-10    3

 

“F” хэсэг

Марсель (Франц) – Борусси Дортмунд (Герман) 1:2

Гоол: Диавара 14 – Левандовски 4, Гросскройтц 87

Наполи (Итали) – Арсенал (Англи) 2:0

Гоол: Игуаин 73, Кальехон 90

Багууд                      Тт       Хо       Тэ       Хд       Б/Х     Оноо

1.Борусси                  6          4          0          2          11-6    12

2.Арсенал                 6          4          0          2          8-5      12

3.Наполи                    6          4          0          2          10-9    12

4.Марсель                 6          0          0          6          5-14    0

 

“G” хэсэг

Аустрия (Австри) – Зенит (ОХУ) 4:1

Гоол: Хозинер 44, 51, Юн 48, Кинаст 90 – Кержаков 35

Атлетико (Испани) – Порту (Португал) 2:0

Гоол: Гарсия 14, Коста 37

Багууд                      Тт       Хо       Тэ       Хд       Б/Х     Оноо

1.Атлетико                6          5          4          0          15-3    16

2.Зенит                      6          1          3          2          5-9      6

3.Порту                      6          1          2          3          4-7      5

4.Аустри                    6          1          2          3          5-10    5

 

“H” хэсэг

Барселона (Испани) – Селтик (Шотланд) 6:1

Гоол: Пике 7, Педро 39, Неймар 44, 48, 58, Тельо 62 – Самарас 88

Милан (Итали) – Аякс (Голланд) 0:0

Багууд                      Тт       Хо       Тэ       Хд       Б/Х     Оноо

1.Барселона             6          4          1          1          16-5    13

2.Милан                     6          5          3          1          8-5      9

3.Аякс                                    6          2          2          2          5-8      8

4.Селтик                    6          1          0          5          3-14    3

М.Оргил

Эх сурвалж: www.aravt.mn