БНХАУ-ын Хайнань хотноо болсон “Өсвөр үеийн долоо дахь удаагийн Азийн аварга шалгаруулах тэмцээн”-ээс манай тамирчид ганзага дүүрэн иржээ.
Ази тивийн 22 орны жүдочид өрсөлдсөн уг тэмцээнд эрэгтэйчүүдийн 60 кг-д Ц.Мөнгөө, 81кг-д Э.Мөнхжаргал нар алтан медаль хүртсэн байна. Харин эмэгтэйчүүдийн 48кг-д Э.Энхрийлэн, 57кг-д Б.Хулан, -70кг-д н.Хонгорзул нар мөнгөн медаль, -52кг-д н.Алтанцэцэг, 63кг-д н.Даваасүрэн нар хүрэл медаль хүртжээ. Манай тамирчид нийт 7 медальтай эх орондоо ирсэн байна.