2013 онд төрийн 24 албан хаагч АТГ-т сэжигтнээр татагдан шалгагджээ

АТГ-аас төрийн бай­гуул­лагуудын 2013 онд авли­гын эсрэг авч хэрэг­­­жүүл­сэн үйл ажил­лагааны үнэлгээний дүнг өчигдөр олон нийтэд танил­­цууллаа.

Азийн хөгжлийн банкны санхүүжилтээр АТГ-ын захиалгаар “MDS” болон “Онч шийдэл” ТББ-ын судлаачид нийслэл төдий­гүй хөдөө орон нутгийн яам, агентлагууд, төрийн өмчит аж ахуйн нэгж, ком­паниудад шалгалт хийсэн байна. Уг шалгалтаар ма­най улсад 4653 төрийн албан хаагч байгаагаас 200 албан хаагч тутмын нэг нь яллагдагчаар татагджээ.

Харин авлигатай тэм­цэх төлөвлөгөө, хөрөнгө гар­гаж хэрэгжүүлэх санал асуулгаар Төрийн албаны зөвлөл, Эрчим хүчний яам, Гаалийн ерөнхий га­зар, Монгол банк, Гадаад харил­­­­­­­цааны яам, Оюуны өмчийн газрууд хамгийн муу гэсэн үнэлгээг авсан аж. Түүнчлэн зөвхөн энэ оны байдлаар АТГ-ын Мөр­­дөн байцаах газарт 17 хэргээр төрийн 24 албан хаагч хэрэгтнээр татагдан шал­­гагдсан байна.

Тод­руул­бал ИНЕГ-аас тав, Татварын Ерөнхий газар болон Ашигт малт­малын газраас тус бүр гур­ван төрийн албан хаагч шал­­­гаг­­даж байгаа аж.

Мөн АТГ-аас хөдөө орон нутгийн байгууллагуудын авилгын эсрэг хэрэг­жүүлж байгаа үйл ажил­­ла­­­гаанд үнэлэлт өгөх су­­­дал­­­­­гааг “Онч шийдэл” ТББ-ын шинжээчид хийж гүй­­­цэтгэсэн байна. Дүгнэл­­­тээр авлигын эсрэг хам­­гийн сайн арга хэмжээ авсан аймгаар Орхон, Дунд­­говь, Хэнтий аймгийн За­­саг даргын Тамгын газар шал­­­гар­­чээ.