“Цолмон ус” компани ШӨХТГ-ыг шүүхэд өгнө

“Цолмон ус” ХХК Шу­дарга өрсөлдөөн хэрэг­лэгчийн төлөө газрын эсрэг шүүхэд гомдол гаргахаар болжээ.

ШӨХТГ-т “Жем Хужирт” ХХК,   “АПУ” ХХК-аас: “Штиммэ Лэбэнс”, “Цолмон-Ус” ХХК-иуд нь ХБНГУ-д үйлд­­­­вэр­лэсэн ОХУ-ын “Фаворит” компаниас им­­­порт­­­лон оруулж ирсэн “Stimme Lebens” нэ­­рийн ус цэвэршүүлэгч төхөө­­рөм­­жийг борлуулахдаа ма­най үйлдвэрийн бүтээг­дэ­хүүний нэр хүндэд илтээр нөлөөлөхүйц сурталчилгаа хийж байгааг хуулийн да­гуу шалгаж өгнө үү” гэсэн гомдол гаргасан байна. Энэ дагуу өнгөрсөн баасан гаригт тус компаниудыг шалгахад “Stimme Lebens” ус цэвэршүүлэгч тө­хөөрөмжийн талаар айл, өрх, албан газар, ETV зэ­рэг зарим телевизүүдээр явуул­сан сурталчилгаа нь Өр­сөл­дөөний тухай хуу­лийн зарим  заалтуудыг зөрч­­­­­­­­­сөн нь тогтоогдсон аж.

Тиймээс “Штиммэ Лэбэнс”, “Цолмон-Ус” ХХК-иуд “Зар сурталчилгааны тухай”, “Хэрэглэгчийн эр­хийг хам­­­­­гаалах тухай” хуу­лиу­­дыг зөрчсөн хэмээн ШӨХТГ-аас шийдвэр гаргасан байна.

Гэтэл хууль зөрчсөн болох нь тогтоогдсон тус компаниуд ШӨХТГ-ын шийдвэрийг хүлээн зөвшөөрөлгүй ийн мэдэгдэл гаргажээ. Тодруулбал, “Бид  Жем Хужирт” ХХК, “АПУ” ХХК зэрэг аж ахуйн нэгжийн цэвэр усыг зар сурталчилгаандаа ашиг­ласан зүйл байхгүй. Зарим тохиолдолд хэрэглэгчид тус­гайлан савласан усыг ма­най шүүлтүүрээр шинж­лүүлэхийг хүсдэг. Тийм то­хиолдолд хэрэглэгчдийн хү­­сэлтээр шинжилсэн. Тиймээс ШӨХТГ-ыг хууль бусаар нэг талыг барьсан шийдвэр гаргасан гэж шүү­хэд өгөхөөр боллоо” гэв.