Т.Дэлгэрмөрөн хар тамхи хэрэглэснээс болж эмнэлэгт хүргэгджээ

“Номин талст” хамтлагийн дуучин, Соёлын тэргүүний ажилтан Т.Дэлгэрмөрөн өчиг­дөр автомашиндаа ман­суурсан байдалтай бай­хад нь цагдаагийнхан олсон бай­на. 

Түүнийг цагдаагийн ажилтнууд шалгахад хар тамхи, мансууруулах төрлийн бодис хэрэглэсэн нь анхны үзлэгээр тогтоогдсон байна. Цагдаагийн ажилтнуудын мэдэгдсэнээр “Мансуурсан байсан тул Хан-Уул дүүргийн Нэгдсэн эмнэлэгт хүргэсэн” гэв.

Түүнтэй хамт өөр хэн хар тамхи хэрэглэсэн болох нь одоогоор хараахан тодорхойгүй байна. Тухайн үед Т.Дэлгэрмөрөнгийн бие тааруу байсан тул цаг­даа­гийнхан баривчлан шалгах гэхээсээ илүүтэй эрүүл мэндийн байдалд нь анхаарсан бололтой.

Т.Дэл­гэрмөрөнг хар тамхи, ман­сууруулах төрлийн бодис хэрэглэсэн гэж үзвэл Улсын мөрдөн байцаах газрын Хар тамхи, мансууруулах төр­лийн бодистой тэмцэх тасаг шалгаж эхлэх юм байна.
Т.Амартүвшин

Улс төрийн тойм сонин