Шарагчин могой өдөр

Аргын тоололын 12 сарын 29-ны ням гараг, билгийн тоололын өвлийн дунд хөх хулгана сарын шинийн 27-ны өлзий наран гийсэн /дашням/ адьяа гараг. 2 хар мэнгэтэй, арвидахын барилдлагатай шарагчин могой өдөр. Өдрийн наран 8:45 цагт мандаж, 17:06 цагт жаргана.

Тухайн өдөр үхэр, тахиа жилтнээ аливаа үйлийг хийхэд эерэг сайн. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, хараал, жатхыг буцаах, газар лусын зан үйл хийх, өр барагдуулах, буг дарахад сайн. Байшингийн суурь тавих, угаал үйлдэхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой. Дашнямтай өдөр. Үс шинээр үргээлгэх буюу засуулбал өлзийтэй сайн гэж дорнын зурхайд өгүүлжээ.