ЦЕГ-ыг гурван дэд даргатай болгожээ

Цагдаагийн албаны ту­хай хуулийг мөрдөж эхэл­сэнтэй холбоотойгоор тус газрыг гурван дэд даргатай болгож, 157 хүнтэй бол­гон өргөжүүлсэн байна. Ши­нэ хуулийн дагуу ЦЕГ-т өмнө нь ажиллаж байсан С.Баа­таржав, Ж.Ган­баатар нар дээр нэмж Д.Эрдэ­нэ­­баа­та­рыг дэд даргаар томилжээ.

Дэд ху­рандаа Д.Эрдэнэ­баа­тар өм­нө нь ЦЕГ-ын Хуу­лийн хэлтсийн даргаар ажиллаж байсан аж. Харин хурандаа Ж.Ганбаатар ЦЕГ-ын дэд дарга бөгөөд Үйл ажиллагааг дэмжих албаны даргаар ажиллана.

Мөн ЦЕГ-ын Захир­гаа­ны удирдлагын газрыг та­тан буулгажээ. Тус газ­­рын дарга, хурандаа Д.Адьяаба­за­рыг албан тушаалаас нь чө­лөөлсөн бол Хүний нөөц, сургалтын хэлтсийн дэд дарга Г.Баясгаланбатыг чө­­­­­­лөөлж, оронд нь О.Мөнх­батыг томилсон байна. Дэд хурандаа О.Мөнхбат өмнө нь Санхүү ар талын газрын тасгийн даргаар ажиллаж байсан аж.