Иргэд ой эзэмших эрхтэй болжээ

Байгаль, орчин ногоон хөгжлийн яам, Сангийн сайдын хамтарсан тушаалаар иргэн өөрийн өмчлөлийн болон эзэмшлийн газартаа тарьсан ойгоо өмчлөх эрхтэй болжээ. Мөн ойн нөхөрлөл, аж ахуйн нэгж, байгууллага ч эзэмшлийнхээ болон ойн сангийн бус газарт зориудаар тарьж ургуулсан ойгоо өмчлөх эрхтэй болсон байна.

Гэхдээ өмчлүүлэх таримал ойн хэмжээ 0.5 га-гаас багагүй байх, тарьц, суулгацаар ойжуулалт хийснээс хойш таваас дээш жил арчилж ургуулсан, найм бас түүнээс дээш настай байх гэнэ. Харин тарьсан ойгоо огтлохыг уг шийдвэрээр хоригложээ.