Дурлалын зурхай

2014 оны 1 сар 21 / 19 цаг 36 минут зурхай

Хонь

Хонины ордны эрэгтэй
Хонины ордны эрчүүд дурласан үедээ өөрийгөө баатар болсон мэтээр төсөөлж явдаг. Эзэрхий зантай тэд хайр сэтгэлийн тал дээр хэзээд бүсгүйгээсээ давуу эрхтэй байх ёстой гэж үздэг. Тиймдээ ч эмэгтэйнхээ бүх үйлдлийг хянаж байдаг. Үүнийгээ тэр хайрлаж байгаа ёс хэмээн ташаа ойлгодог. Тэр ямар ч үнээр хамаагүй өөрийнхөө сексийн дур хүслийг хангахыг хүсдэг. Ямар нэг зүйл өөрийнх нь хүслээс гадуур болсон тохиолдод тэр бачимдана. Үүнээсээ л болж тэр хайртай хүнээ алддаг.

Хонины ордны эмэгтэй
Эмэгтэй хониныхон өөртөө үнэнч, шударга хандах эр хүнд сэтгэл татагдаж дурладаг. Түүний хүсэлд хязгаар гэж үгүй. Аль нэг хүсэл нь биелэхгүй байвал амархаан дурлалт хархүүгээ мартаж чадна. Хэрэв тэр өөрийнхөө дураараа занг барьж хорьж чадах юм бол хайртай хүндээ хамгийн үнэнч эхнэр нь болж чадна. Үргэлж хайр дурлалын тал дээр давуу эрхтэй байхыг хүсдэг ч хэрэв хамтрагч нь оюун ухаан, чадвар чансааны тал дээр өөрөөс нь илүү байвал тэр хүндэтгэлтэй харьцана. Яг ийм л харилцаа, ийм л дурлал Хонины ордныхонд хэрэгтэй.

Үхэр

Үхрийн ордныхон дурлалын тал дээр аажуу уужуу ханддаг. Тайван хүлээцтэй байж хамтрагчаасаа өөрийнхөө хүссэн зан чанаруудыг олх хүртлээ тэвчээртэй байж байгаад, цорын ганц нэгнээ олсон гэж үзсэн тохиолдолд сэтгэлийнхээ жолог алддаг. Удаан бодсоны эцэст чин сэтгэлээсээ хайрлаж, дурладаг учир түүний сонголт үргэлж зөв байдаг. Иймдээ ч тэдний харилцаа уддаг.

Үхрийн ордны эмэгтэй
Тэд хайртай эрээ үргэлж сэтгэл хангалуун байлгаж чаддаг. Хамтрагч нь түүнийг үргэлж магтаж, өдөр бүхэн дурладаг гэдгээ харуулах юм бол тэр баярлана. Өөрийг нь эхнэрээ болгож авсан эр тун азтай нэгэн байх болно гэдгийг мэддэг тул тэр өгсөн хайр халамжийнхаа хариуд талархуулахыг хүсдэг. Тэд харилцаагаа удаан тогтвортой байлгах тал дээр гаргууд.

Үхрийн ордны эрэгтэй
Халуун дулаан, ухаалаг, үнэнч эрчүүд бол үхрийн ордныхон. Тэд маш халамжтай, хаана ч явж байсан хайртай хүндээ санаа тавьж байдаг. Дурласан үхрийнхэн чамин тансаг бэлэг өгөхдөө “мастер”. Тэр хэзээ ч өөр эртэй өрсөлдөхийг хүсэхгүй, гэвч хайрынхаа төлөө маш олон зүйлд буулт хийж чадна. Өмчирхөг үхрийнхэн дурласан эмэгтэйгээ сүүлрэхийг тэвчиж чаддаггүй, хууртагдсан тохиолдолд болсон явдлыг хэзээ ч мартахгүй.

Ихэр

Ихэрийн ордны эрэгтэй
Ихэрийн ордны эр дурласан бүсгүйгээ үргэлж хамгаалахыг хүсдэг. Түүнийхээ хувьд баатар, хуяг дуулга, цагаан морьтой ханхүү нь байхыг нууцхан хүснэ. Тэдэнд хайртай хүнийх нь аюулгүй байдал маш чухал ба тэд туслахад үргэлж бэлэн байдаг. Харин та тэдний араар нь тавихыг оролдоод ч хэрэггүй гэж зөвлөх байна.

Ихэрийн ордны эмэгтэй
Ихэрийн ордны эмэгтэйчүүд үнэхээр таахын аргагүй оньсого шиг хүмүүс. Тэд залуу насандаа дурлалыг зүгээр л нэг амьдралын хэсэг зуурын тоглоом болгож өнгөрүүлдэг. Харин нас ахиад ирэхийн цагт дурлалд илүү нухацтай ханддаг болж эхэлдэг. Тэд дурласан хархүүгийнхээ хувьд хамгийн шилдэг нь байж чаддаг. Романтик, дур булаам, ухаалаг, уян зөөлөн эмэгтэй юм. Тэд дурлалыг үлгэрт гардаг шигээр төсөөлөх дуртай.

Мэлхий

Мэлхийн ордныхон дурласан эр хүнийхээ жинхэнэ түшиг тулгуур болж чадна. Тэд жаахан ойлгомжгүй нэгэн мэт боловч ховор, хайрламаар хүмүүс байдаг.

Мэлхийн ордны эрэгтэй
Мэлхийн ордны эрчүүд дурласан бүсгүйгээсээ өөрийн эрхгүй ээжийнхээ чанаруудыг хайдаг. Гэвч ингэх нь нэг талаар сайн хэдий ч, нөгөө талаар харилцаанд нь асуудал авчирдаг. Үүнээс л болж тэд үлгэр жишээ мөрөөдлийнхөө хайрын эрэлд дахин гарахаас өөр аргагүйд хүрдэг. Тэд эгчмэд бүсгүйд сэтгэл алдрах хандлагатай. Удаан хугацаанд нөхөрлөсөн андуудтайгаа үргэлж дотно байдаг. Ямар ч харилцаанд үнэнч.

Мэлхийн ордны эмэгтэй
Тэд их зөөлөн, уярамтгай бөгөөд нөгөө талаар сахилгагүй. Тэд хайртай хүнээсээ магтаал, дурлалын үгс сонсохыг хүслэг. Тэд гайхалтай ээж, сайн гэрийн эзэгтэй, үнэнч эхнэр. Ер нь л гэр бүлтэй байхаар заяагдсан хүн. Голдуу ааваараа эр хүнийг төсөөлдөг. Сэтгэлийн хөдөлгөөн нь тогтворгүй байдгаас болж асуудал үүсгэдэг.

Арслан

Арслангийн ордны эрэгтэй
Арслангийн ордны эр хүн чин сэтгэлээсээ дурласан эмэгтэйдээ эелдэг зөөлөн, шударга хандаж үнэнээ илтгэдэг. Тэд их дүрэлзсэн хүмүүс, хайр дурлалын тал дээр ч тэр. Тэр заяаныхаа ханийг өөрийнхөө хүслээр хайсаар байдаг. Татгалзсан хариунд хүлцэнгүй хандаж чаддаггүй. Адал явдалд дуртай ба сонирхолтой дурлалын тоглоомд орохыг хүсдэг. Тэд үргэлж анхаарал халамж, магтаалын үгсээр дутдаг.

Арслангийн ордны эмэгтэй
Арслангийн ордны эмэгтэйчүүдийн дурлал их төвөгтэй. Учир нь тэд бүх талаараа шилдэг эрийг л хайдаг. Дурлаж эхлэх үед нь хамтрагч нь дутагдал гаргах юм бол хөрж орхих магадлалтай. Түүний дурлах эр хүн олноос хүндлэл хүлээсэн, оюун ухаанлаг, хөрөнгө мөнгөтэй байх ёстой. Эс тэгвэл тэр биш та л түүнд дурласаар байгаад насыг элээх болно. Учир нь тэд бараг хөгширдөггүй.

Охин

Охины ордны дурлал эр эм ялгаагүй ижилхэн байдаг. Тэд дурласан үедээ нөхцөл байдалд дүгнэлт хийх чадвартай байдаг. Иймээс ч тэд барагтай л бол тэнгэрт нистлээ дурладаггүй. Гэвч хайр сэтгэлд үнэлэлт дүгнэлт хийх нь үргэлж тус болдоггүй гэдгийг тэд санах хэрэгтэй. Тэд хэт их сэтгэлийн хөдөлгөөнийг хүний сул тал гэж үздэг. Дурласан охиныхон шатаж байгаа мөснөөс өөрцгүй хүмүүс. Дотроо догдолж байсан ч гаднаа нэг их ил гаргадаггүй. Сэтгэлийн үгээ илэрхийлэх нь тэдэнд хэцүү байдаг. Амлалтандаа хүрдэг чанар нь бусад ямар ч ордныхноос илүү. Тэд үнэнч шударга байдлыг чухалчилдаг. Тэднийг 3 ангилж болно:

1. Гэр орон, ажил хоёроо сайн зохицуулж чаддаг ямар ч салбарт амжилт гаргагч охиныхон.
2. Олны нүднээс аль болох хол байхыг хичээдэг, хөгшин үзэл бодолтой, аьдралын идэвх муутай боловч ноён нуруутай охиныхон.
3. Хайр дурлалд итгэдэггүй олон хамтрагч солидог, сексийн маш идэвхтэй амьдралтай охиныхон.

Жинлүүр

Жинлүүрийн ордны эрэгтэй
Эрэгтэй жинлүүрийнхэн сэтгэлийн үгээ илэрхийлэхдээ маруухан. Тиймээс тэд юун түрүүнд хамтрагч нь түрүүлж сэтгэлээ илчлэхийг хүлээдэг. Эмэгтэй хүний эхний алхмыг хийвэл баярлана. Тэгсэн тохиолдолд тэд чөлөөтэй харилцаж чаддаг. Эмэгтэй нь өөрт нь дургүй байгааг мэдвэл хичнээн дурласан байсан ч өөрийгөө татаж аван аз жаргалыг өөр газраас эрэхийг эрмэлздэг. Тэр их эелдэг, хүлцэнгүй, дур булаам.

Жинлүүрийн ордны эмэгтэй
Тэр таны учирч байсан эмэгтэйчүүдээс хамгийн дур булаам нь байж мэднэ. Тэр хайр дурлалтын тал дээр ямар ч ордныхонтой нийцтэй байж чаддаг.Түүний дурласан хүн ажилдаа амжилт олж байвал тэр баярлана. Тэр хайрлагдаж бугаа мэдрэхдээ жаргалтай болдог. Анхаарал халамжаар дутвал түүний дурлалын эцэс ирнэ. Түүнд дараагийн эр үргэлж бэлэн байдаг.Тэр муухай заваан байдал, чанга дуу чимээг үзэн яддаг.

Хилэнц

Хилэнцийн ордны эмэгтэй
Хэрэв таны хайртай эмэгтэй сэтгэлийн хөдлөлтэй, түргэн ууртай, шаардлага өндөртэй бол тэр хилэнцийн ордных. Та түүний төлөө тэмцэх ёстой, тэмцээд ялсны чинь шан харамжийг ч тэр харамгүй өгнө гэж мэд. Төгс төгөлдөр байдал бол түүний түлхүүр үг. Тэр хамгийн гайхалтай эмэгтэй мэт сэтгэгдэл төрүүлж чаддаг. Түүнд өөрөө дурлахаас илүү бусдыг дурлуулах тал дээр авъяас бий. Тэр дурласан байлаа ч түүнийгээ тийм амархан мэдэгдүүлэхгүй. Өмчирхөг нууцлагдмал тэднийг давах гэж оролдох хэрэггүй.

Хилэнцийн ордны эрэгтэй
Тэр бусдаас ангид хүн. Энэ орд бол эр хүний хүч чадлын бэлэг тэмдэг. Тэднийг өөртөө татах ерөнхийдөө хялбархан. Тэд сэтгэл дотроо ихэвчоэн ганцаардмал явдаг бөгөөд их эмзэг. Гэвч үүнийгээ хамрагчдаа мэдэгдүүлэхгүй. Тэр эмэгтэйдээ жолооны удирдлагыг атгуулахгүйгээр хамгийн романтик, хүчтэй мэдрэмжийг төрүүлж чадна. Амархан харддаг. Нялцгануур занд дургүй тул тэдний өмнө төв, төгс байхыг эрмэлзэх хэрэгтэй аж. Мэлхий, Загас, Жинлүүр, Охиныхонтой сайхан хосууд болж чадна.

Нум

Тэд бол үнсэн доорх галтай адил хүмүүс. Тааж мэдэхийн аргагүй. Үргэлж хувьсаж өөрчлөгдөж байдаг. Дотроо дүрэлзсэн очийг тээж явдаг ба хүчтэй дурласан үедээ түүнийгээ ил гаргадаг. Тэд нйигмийн дунд нэр хүндтэй, ямар нэг талаараа бусдаас илт давуу хүнийг дурлалт хархүүгээрээ сонгодог. Гэвч нэг хэсэг олон амрагтай холбогдож дурлалыг тоглоом адил үздэг.

Нумын ордны эрэгтэй
Түүнд жаахан үнэнч бус хандлага бий. Тэд хайр дурлалын тал дээр ч тохь тухтай, өөрт нь аятай байдлыг хайдаг. Тэдний сонгох эхнэр гайхамшигтай байх ёстой. Эхнэр нь түүний өөртөө итгэл итгэлийг зүлгэжу өнгөлж, өөрийг нь шилдэг нь гэдгийг мэдрүүлдэг байх ёстой. Тэгсэн цагт тэд гэр орны жижиг ч бай асуудлыг сайн зохицуулдаг нөхөр, халамжит эцэг, гэр бүлийнхээ хамгаалагч байж чадна. Маргалдсан тохиолдолд нумын эрэгтэйчүүд өөрийгөө татаж авдаг. Эхнэр нь түүнийг хардаж эхэлвэл тэр ч бас адил хардана.

Нумын ордны эмэгтэй
Тэдэнд үргэлж анхаарал халамж хэрэгтэй байдаг. Тэднийг цаг тутам магтаж, гайхан шагширч байх хэрэгтэй. Тэр амьдралыг магтаалгүйгээр төсөөлж чаддаггүй. Хэрэв таны хамтрагч өөрөөрөө бахархдаг нэгэн бол тэр нумын ордных. Тэд эрчүүдийн анхаарлыг татах, тэднээр хүрээлүүлэх дуртай ба дурлалаар дүүрэн амьдрахыг хүсдэг. Урт удаан тогтвортой гэрлэлтийг бий болгож чадах эсэхтээ эргэлздэг ч тэд үнэнч юм. Гүн үзэл баримтлалтай, шулуухан, хошин шогийн мэдрэмжтэй, өөдрөг, эрх чөлөөнд дуртай эмэгтэй.

Матар

Матрын ордны эрэгтэй
Тэд хамтрагчтайгаа үргэлж ойр дотно байдаг. Нас ахих тусмаа илүү сайн нөхөр, сайн эр болдог. Гэвч тэд өнгөрснөө үргэлж зүрхэндээ тээж, түүндээ шархалж явдаг хүмүүс. Тиймээс ч тэднээс хөгширтлөө гоонь явах нь олон. Тэд хамтрагчаасаа үнэнч байдлыг шаарддаг учир хардамтгай. Тэдний дурлал гал халуун, тачаангуй байдаг.

Матрын ордны эмэгтэй
Тэмцэл, өрсөлдөөнд дуртай эрчүүд энэ ордны бүсгүйчүүдийг сонгох хэрэгтэй. Тэдэнд өөрийн жинхэнэ сэтгэлийг илэрхийлэхэд үргэлж цаг хугацаа хэрэгтэй байдаг. Энэ нь зөвхөн гаднах байдал ба дотроо тэд жинхэнэ дурлалыг эрж хайж явдаг романтик эмэгтэй. Тэд мөнгөнд арвич хямгач.

Хумх

Tэд нэр хүндээ өндрөөр үнэлдэг, маш их амбицтай хүмүүс. Тэд хамтрагчдаа сайн найз нь байж чаддаг ба барагтай л бол уурлаж уцаарладаггүй. Эрх чөлөө бол тэдний хувьд эрдэнэ. Жинлүүр ихэрхийнхэнтэй сайн тохирдог.

Хумхын ордны эрэгтэй
Тэднийг чин сэтгэлээсээ дурласан эсэхийг мэдэхэд хэцүү. Гэвч тэдэнд ямар ч харилцаа нь үнэ цэнэтэй байдаг. Заримдаа тэдний найз бүсгүй, эхнэр гэхээсээ илүү анд нөхөр нь юм шиг санагдах үе бий. Тэднийг танд хайраа илчлэхээс нааш та төөрөлдсөн хэвээр байх болно. Тэд хэр баргийн эмэгтэйд хайртай гэж хэлдэггүй. Та тэдэнд ямар ч гэм буруу хийсэн бай тэд таныг үзэн ядахгүй. Тэд бол хайрламаар, хөгжилтэй хүмүүс ба тэдэнтэй хамт байхдаа та сэтгэл хангалуун байх болно. Тэднийг хэзээ ч бүү хорьж цагд.

Хумхын ордны эмэгтэй
Хайр дурлалын тал дээр хумхын ордны эмэгтэйчүүд зөрүүд талдаа. Тэд их эмэгтэйлэг бөгөөд мэдрэмтгий. Түүнд бусад хүмүүсийн юу хэлэх нь огт хамаагүй байдаг. Харин өөрөө өөрийнхөө эрд итгэл алдарсан тохиолдолд түүнийг аль болох амьдралаасаа хурдан холдуулахыг хүсдэг. Тэднийг хэзээ ч бүү хорьж цагд. Тэд дурлалдаа шинэ зүйлийг авчрахдаа (жишээ нь шинэ маягийн болзоо, сексийн өөр байрлал гэх мэт) нээлттэй ханддаг.

Загас

Загасны ордны эрэгтэй
Тэд өөртөө таарах эмэгтэй хүнийг дотроо зурагладаг. Гэвч тийм хүн нь бодит амьдрал дээр өөртэй нь нийцтэй байх нь ховор. Тиймээс олон бүтэлгүйтэлтэй учирдаг. Тэд маш романтик ба бүсгүйнхээ сэтгэлийг хөдөлгөхдөө гаргууд. Харин түүний өөрийн дур хүсэл хангагдаагүй тохиолдолд амархан хөрдөг талтай. Тэд ноён нуруутай, буурьтай, өөрт нь сайн түшиг болж чадах эхнэрийг хайдаг.

Загасны ордны эмэгтэй
Тэр өөрийг нь ухаангүй дурлуулж чадах эр хүнийг хайдаг. Тэнэд хамгаалагч, удирдагч эр хэрэгтэй. Тиймдээ ч ихэнх ордны эрчүүд энэ ордны эмэгтэйтэй нийцтэй байдаг. Дур булаам эмэгтэйлэг. Тэдний сэтгэл үзэн ядалт, хардалт, хайр, хүндэтгэл зэргийг нэгэн зэрэг багтааж чаддаг учраас хааяа тэр ойлгомжгүй болчихдог. Мөн хэтэрхий их дурласан үедээ өмчирхөг болж, хамтрагчийнхаа алхам тутамд хамт байхыг эрмэлзэж эхлэх нь эрчүүдийг тэднээс холдуулдаг.

ыХонь

Сэтгэл татам, нийтэч, хошин шогийн нарийн мэдрэмжтэй, сээтэгнэх дуртай. Нас бие гүйцсэн үедээ олон ч хайрын асуудалтай учирна. Ер нь хониныхон нас бие гүйцсэн үедээ мэргэн болох ба 30-35 насандаа сонголтоо хийдэг. Хонины ордны эхнэрүүд гайхамшигтай, алдарт дуртай, нөхрөө амжилт руу хөтөлдөг. Гэвч уур уцаар ихтэй. Ухаантай эр нөхөр ийм эхнэрийг байранд нь тавих хэрэгтэй. Тэд өөрсдийнх нь хүндэлдэг хүн удирдахад аз жаргалтай байдаг. Хонины ордны нөхрүүд эхнэрийнхээ тулгуур суурь нь болдог. Сайн хайр халамжинд дуртай. Ихэнх хонинууд хариуцлагагүй, тэднийг гэрт нь байлгах тун хэцүү. Хониныхон суурьтай, хатуужилтай байх хүч дутмаг тул бодлоготой эхнэр хэрэгтэй. Хониныхонд тохирох сайн хос- Үхэр, Ихэр, Нум, Загас. Мэлхий таарамжгүй, Жинлүүр, Матартай хуучинсаг үзлийн улмаас тохирохгүй.

Үхэр

Түүнд яг л амьсгалах мэт дурлах нь ойлгомжтой. Сугар үхрүүдийг удирдах ба залуудаа тэд олон ч хайр дурлалын асуудалтай учирна. Тэд сайхан сэтгэлтэй, дур булаам. Тэдэнд хайр дурлал гэхээсээ гэрлэлт илүү чухал. Үхрийн ордны эмэгтэйчүүд зан төлөвийн хувьд хөнгөн, тааламжтай, туршлагатай, хосоо нарийн сонгодог. Ихэнх нь нөхөртөө амтат хоол, хайр энэрэл, гэрийн сайн эзэгтэйг санал болгох ба материаллаг болон ёс суртахууны талаар юу ч нэхдэггүй. Үхрийн ордны эрчүүд ерөнхийдөө төгс нөхрүүд. Тэд итгэлтэй, найдвартай, өгөөмөр сэтгэлтэй, гэрсэг, өөрийн гэртээ, эзэн байх дуртай. Үхрүүд тачаангуй, төгс эцэг эх, даруухан царайны цаана шуурга мэт авир нуугдаж байдаг. Үхрүүд сэтгэл хөдлөлөө барьж чаддаг, хар төрөх, хардах сэтгэлээ ил гаргадаггүй. Сайн хос болох нь Ихэр, Мэлхий, Загас, Охин, ялангуяа Хонь, Матартай сайн зохицно. Арслан, Хилэнцтэй сөргөлдөнө. Хумхтай харилцаа бүр тохирохгүй.

Ихэр

Тэдний хайрын уриа “Илүү их байх тусмаа сайн”. Хайр тэдний хувьд тоглоом. Хүсэл нь өөрийгөө илэрхийлэх, хайр дурлалын асуудалд хийсвэр сэтгэлгээгээр ханддаг. Сээтэгнэж ялалтанд хүрэх дуртай. Ихрүүд заримдаа амьдралд сэтгэл хангалуун бус байдаг. Ихрийн ордны эмэгтэйчүүд халуухан, эмэгтэйлэг, заримдаа үнэхээр үзэсгэлэнтэй байдаг. Тэд соёлтой, цэцэн мэргэн, гэр бүлсэг гэхээсээ илүүтэй сайхан байхыг эрмэлздэг, гэрээ тохилог, орчин үеийн байлгах дуртай. Ихрийн ордны эрэгтэйчүүд хөгжил дэвшил, сэтгэгдэл төрүүлэхийг эрмэлздэг. Тэд зугаалах, сээтэгнэх дуртай. Гэвч хааяа л энэ үйлдлийг хийдэг. Тэд гэр бүлээ үнэлдэг. Эхнэрийнхээ үргэлжийн дарамт, уур уцаарыг тэвчдэггүй. Таарах хос нь Мэлхий, Арслан, Жинлүүр, Хумх, Хонь, Үхэр. Охин, Нум, Загасныхантай тохирохгүй.

Мэлхий

Хайр дурлалгүй бол амьдрал хоосон болно. Энэрэнгүй, өглөгч. Хайр дурлалаас болж хоолноос гарч, нойргүйддэг. Хүйтэн, хуурамч төрх гаргаж чаддаг. Гэхдээ бас яг тийм биш юм. Хувийн шаардлагаасаа болоод хайраа олоход хүндрэлтэй байна. Дурлавал он удаан жилийг өнгөрөөнө.

Мэлхий- төгс, үнэнч хань, гэрийн сайн эзэгтэй, ээж болдог. Нөхөртэй бус хүүхдүүддээ илүү хайртай. Мэлхийн эрчүүд хичнээн өөрөө сайн бэлтгэдэг байсан ч сайн гал тогоо, өөрт нь үзүүлэх халамжинд дуртай. Гэрийн эр хүн зөөлөн, сайхан сэтгэлтэй, үлгэх жишээ ч нөхөр. Мэлхийнүүд эрт насандаа бараг гэрлэхгүй, яагаад гэвэл эхтэйгээ хэт их холбоотой байдаг. Тэд хартай. Арслан, Охин, Хилэнц, Загас, Үхрийн ордныхонтой тохиромжтой. Харин Жинлүүр, Матар, Хонины ордтой таарахгүй.

Арслан

Арслангийн хувьд хайр дурлал гэдэг амьдрал. Тэд дэврүүн сэтгэлтэй, хүндэтгэл бишрэлээр цангаж байдаг. Хайрынхаа төлөө ямар ч хил хязгаарыг давахад бэлэн байдаг. Арслангийн ордны эмэгтэйчүүд тачаангуй, дур булаам. Арслангийн ордны эмэгтэй эхнэрийн хувьд жинхэнэ үнэт чулуу. Тэд хариуцлагатай, сайн эзэгтэй, гадаад төрхөндөө анхаарал тавьдаг, илүү их анхаарал тавихыг шаарддаг. Эмэгтэй арслангууд үнэнч нөхрийг хайдаг. Эрэгтэй арслангууд өөгүй дурлагчид: дүрэлзсэн, чадварлаг, гар султай, бэлэг өгөх дуртай, хянамгай. Арслангийн эсрэг зогсох хүн тун хэцүү. Уян сэтгэлтэй, цэцэг, хайрын захианд дуртай. Эрэгтэй арслангууд өгөөмөр сэтгэлтэй, бас хартай. Тохиромжтой хос нь Арслан, Жинлүүр, Мэлхий, Нум, Хонь, Ихэр. Харилцаа нь хүйтэн хөндий байх нь Хумх, Үхэр.

Охин

Хамгийн ойлгомжгүй орд. Охин хос бас хоёрдмол санаатай. Нэг талаасаа хүйтэн хөндий, нөгөө талаасаа сэтгэгдэл татам. Хүйтэн хөндий байдал нь хуурамч. Грета Гарбо охины ордны зан төлөвийг ”Би ганцаараа баймаар байна” гэдэг өгүүлбэрээр тайлбарласан байдаг. Охин шүүмжлэлээс эмээдэг, буруу ойлголт төрүүлэхээс айдаг. Хэт мэдрэмхий, охины ордны эмэгтэйчүүд сайхан эхнэр болох ба хурц ухаантай, найдвартай байдаг. Эрэгтэй охины ордныхон өөрийн эрүүл мэнд, гэрийнхээ цэвэр байдалд анхаарал тавьдаг. Охины ордныхон Хилэнц, Загасыг бодвол гэр бүлийн сексийн амьдралыг илүү сонирхох ба ханьдаа илүү анхаарал тавина. Хайр дурлалын явдалд орооцолдох, хүчилсэн хайр нэхсэн хос тэдэнд хэрэггүй. Тэднийг хүндлэх хүн л хэрэгтэй. Тэд тархинаасаа ясаа хүртэл өөдрөг үзэлтэн нэгэн. Охин нь Жинлүүр, Матар, Хилэнц, Үхэр, Мэлхий, Арслангийн ордныхонтой аз жаргалтай байна. Нум, Загас, Ихэртэй таарамжгүй.

Жинлүүр

Дур булаам , царайлаг, анхны харцаар л дурлаж болно, тэд хайрыг учрыг мэддэг. Жинлүүрийнхэн тэдний мэдрэмжийг үнэлбэл аз жаргалтай байдаг. Тэд хайр дурлалынхаа талаар ямар нэгэн дурсамж үлдээх дуртай. Эмэгтэй жинлүүрүүд эмэгтэйлэг, тэднийг магтахад дуртай. Жинлүүр гэрлэлтийн ордны орд, эрт гэрлэх ба бат бөх гэр бүлийг бий болгоно. Тэд сайхан гэргий, ээж болдог. Эрчүүд нь хайр дурлалын томоохон мэргэжилтнүүд. Тэдэнд гоонь эрийн амьдрал таалагддаг. Жинлүүрүүд хөгжим, урлаг, нийгмийн амьдралд дуртай. Тэд хайр, анхаарал халамж, амар тайвныг шаарддаг. Нум, Хумх, Арслан, Охины ордтой тохирно. Харин Матар, Хониныхонд дургүй.

Хилэнц

Эрчтэй, яг соронзон мэт татах нөлөөтэй. Тэднийг сексийн хаан гэж нэрлэх ба гэрлэхдээ эз турших ба тэгснээрээ аз жаргалтай гэр бүлийг бий болгож мэдэх юм. Хилэнцийнхэн хөнгөн сээтэгнэлд дургүй. Дурлалд бүхий л зүрх сэтгэлээ зориулах ба нээлттэй, худалч хүмүүсийг ялгаж мэдэрдэг. Хосоо сонгохдоо хааяа алдах тохиолдол байдаг. Аз жаргалгүй гэр бүлээс болж хэрцгий, өшөө авагч болдог. Эмэгтэй хилэнцүүд хүсэл тэмүүлэлтэй, мэдрэмжтэй. Золиос гаргахад ч бэлэн байдаг. Эрэгтэй хилэнцүүд гэр бүлдээ хайртай, гэвч шулуун хувиа хичээсэн байх талтай. Хэрвээ та Хилэнцэд хайр дурлалаа өгсөн бол тэд бодлоо хуваалцах дургүы гэдгиыг санаарай. Тэд өмчлөгч бас хартай. Түүний хажууд сээтэгнэж болохгүй, тэд хууралтыг өршөөхгүй. Нум, Матар, Жинлүүртэй таарамжтай. Хумхыг үзэн ядна, Үхэртай таарамж муутай.

Нум

Гоонь эрийн тэмдэг. Нум өгөөмөр сэтгэлтэй, нэгдэж, нийтэч. Тэд хайр дурлалд нээлттэй бас хүмүүсийн сайн зан чанарт идгэвэг. Хааяа өмчлөгч хартай болдог. Нумынхны хувьд азгүй гэрлэлт нь ховорхон тохиолдол. Нумын ордны эхнэрүүд үнэнч биш гэхдээ үргэлж сайн найз, зочломтгой эзэгтэй байдаг. Тэд эрх чөлөөтэй байгаа цагтаа аз жаргалтай. Түүнд хартай нөхөр хэрэггүй. Эрхтэй нумынхан ихийг хийх бөгөөд тэдний шаардлага өндөр. Тэд ан хийх дуртай, орой болтол ажил дээрээ суудаг. Нумд эрх чөлөөг олгох, түүний сонирхолыг хуваалцах эхнэр хэрэгтэй. Нум шүүмжлэл, ёс суртхуунгүй байдлыг тэвчдэггүй. Арслан, Матар, Хонь, Жинлүүр, Хилэнцтэй тохирно. Загас, Охин, Ихэрүүдэд дургүй.

Матар

Оройхон хөгшрөнө. Түүний дур булаам байдал хөгшрөлтөөс хамгаална. Тэд бүх зүйлд бүр хайр дурлалд ч туршлагатай. Олон ч хайр дурлалын явдал байх ба хүч хөдөлмөр гарган дурлана. Тэрээр шүүмжлэгч гэхдээ түүни сонголт үргэлж амжилттай байдаг. Ганцаардлыг тэвчдэггүй. Эмэгтэй матаруудад дур булаам байдал, зусардалт тийм ч чухал бус. Тэд нөлөө бүхий туршлагатай эр нөхөртэй болохыг эрмэлздэг. Эрэгтэй матарууд найдвартай, үргэлж гэртээ өөрийн засаглалыг тогтоохыг хичээдэг. Тэд хүч хөдөлмөр гарган мэдрэмжээ илэрхийлдэг. Романтик ямар нэгэн дохио өгөх явдал тэдэнд байхгүй. Дуу цөөнтэй, тэднээс магтаал сайшаалын үг сонсохгүй. Эрэгтэй матаруудын ихэнх нь гэр бүлийг юу тогтоож байгаагаар дүрсэлдэг бол эмэгтэй матарууд ямар хоол бэлтгэж гэрээ цэвэрлэж байгаагаар төсөөлдөг. Матарууд туйлбартай байх өндөр шаардлагатай. Тэд харамч, мөнгөө хадгалдаг. Ямар нэгэн хувцас, хунарт үрэлгэн зан гаргах дургүй. Хумх, Үхэр, Загас, Охин, Хилэнц, Нумтай зохьцоно. Хонь, Мэлхий, Жинлүүртэй хүндхэн байна.

Хумх

Хоосон мөрөөдөгч, янаг амрагийн явдал гэхээсээ үндэслэлийг нь илүүд сонирходог. Хайр дурлалд нэг л хайр гэсэн бодлоор итгэлтэй бас тогтвортой байдаг. Тэдэнтэй найзлахад тааламжтай. Найз нөхөд нь нийгмийн олон давхаргын төлөөллүүд байдаг. Хосоо болгоомжтой сонгох ба шаардлага нь өндөр. Хүчтэй чадалтай оюун ухаанд дуртай. Хумх тал бүрийн мэдлэгтэй, сонирхолтой бас олон талт амьдралыг өрнүүлнэ. Хайр дурлал түүний хувьд цорын ганц сэтгэлийн илэрхийлэл биш. Тэрээр тохиролцоонд амархан хүрдэг ба харгүй нэгэн. Хумхад ижил сонирхолтой түүнийг үнэлдэг хань хэрэгтэй. Загас, Хонь, Ихэр, Жинлүүр, Нум, Матартай сайн зохьцоно. Хилэнцтэй хардалт бий болно. Арслан хэтэрхий их хайр шаардах болно.

Загас

Хайр дурлалын төлөө төрсөн. Тачаангуй, чадварлаг нэгэн. Хайрыг бие бялдарын болон сэтгэл оюуны хувьд сайн мэддэг, өндөр шаардлагатай, амархан эмзэглэдэг. Болгоомжгүй хэлсэн үг галыг унтрааж мэднэ. Эмэгтэй загаснууд зүс царайны хувьд сүр жавхлантай. Эрчүүдыг ойлгох, хайрлах чадвараараа тэдний зүрхийг уяраана. Үргэлж эр нөхөрт гарцгаадаг. Загасны ордны эхнэрүүд итгэлтэй, нөхөрүүдийн хувьд тэдний гэр диваажин л гэсэн үг. Эрэгтэй загаснууд хаягдах вий гэсэн айдсаасаа болж мэдрэмтгий бус болдог. Загас сайн нөхөр, амьдрал тэр чигээрээ бал сар мэт байж болно. Тэд өглөгч, өөрийн ханиа тахин шүтнэ. Хонь, Үхэр, Мэлхий, Хилэнц, Матар, Хумхтай таарамжтай. Охин, ихэрүүдэд дургүй.

– See more at: http://segsgermaa.com/%D0%B0%D0%BC%D1%8C%D0%B4%D0%B0%D1%80%D0%BB%D1%8B%D0%BD-%D1%85%D0%B0%D0%BD%D0%B8%D0%B0-%D1%81%D0%BE%D0%BD%D0%B3%D0%BE%D1%85-%D0%B7%D1%83%D1%80%D1%85%D0%B0%D0%B9/#sthash.Dx59WwlE.dpuf

амаХонь