Өглөө.мн Шинэ өглөө, Шинэ мэдээлэл
Залуухан харагдахын тулд Botox болон мэс заслын аргыг хэрэглэдэг. Гэхдээ бидэнд байнга Botox тариулах, мэс засалд орох мөнгө тун хомс. Заримдаа бидний нүүр будалт хөгшин харагдуулах нь олонтаа. Залуу сайхан харагдахын тулд юуг анхаарах талаар нийтэллээ.
1.Нүдний арчилгаа
Залуу харагдах нэг нууц бол нүд болон нүдний ойр орчмын хэсэг юм. Мэдээж нүүрээ толинд харахад нүд болон зовхины үрчлээ томоохон асуудал үүсгэдэг.
Тийм ч учраас нүд болон зовхины “serum” тосыг авч хэрэглэх нь тун чухал. Нүд бол залуу харагдуулах гол “зэвсэг” гэдгийг байнга санах хэрэгтэй.
2. Тос
Jojoba болон усан үзмийн тосыг арьс арчилгаанд байнга хэрэглэх нь зүйтэй. Ургамалын гаралтай тосонд усны нэгдлийг ихээхэн агуулсан учир арьсыг чангаруулахад нөлөөлдөг.
Арьсны эсүүд бага хэмжээгээр тос ялгаруулдаг бөгөөд тослог арьс нь илүүтэй ялгаруулдаг. Гэхдээ ямар ч төрлийн арьстай байсан унтахаасаа өмнө тос түрхэх нь маргааш өдөртөө гэрэлтсэн толигор арьстай байлгахад тустай аж.
3. Гуужуулах
Холимог, хуурай, эмзэг төрлийн арьстай байсан ч гуужуулах шаардлагатай. Учир нь үхсэн эсийг гадаргуугаас цэвэрлэж шинэ эсийг нөхөн сэргээдэг бөгөөд долоо хоногт 2-3 удаа арьсаа гужуулсанаар батгашилт, хөгшрөлтийг бүрэн саармагжуулдаг.
4. Нүүр будалт
Нүүр будалт таныг хэдтэй вэ? гэдгийг 100 хувь тодорхойлж өгдөг. Хэрэв та шингэн крем хэрэглэдэг бол нунтаг энгэсэг болон “spray” хэрэглэж болохгүй. Энэ нь үрчлээг улам нэмэгдүүлдэг.
5. Ус болон эрүүл хоол
В, С Витаминаар баялаг хүнс арьсыг гэрэлтсэн толигор болгодог. Ус нь арьсыг эрүүл төлжихөд чухал нөлөөлдөг.
6. Дасгал бэлтгэл
Хэт туранхай эсвэл тарган байх нь эрүүл мэндэд аюултай. Таны биеийн индекс 18.5-24.9 хооронд байхад залуухан харагддаг “шидтэй”. Тэгэхээр сүүлийн үед охид залуус бялдаржуулах төв рүү явдаг болсон.
Ийм ч учраас бялдаржуулах төвөөсөө гэр хүртэл гэрээсээ бялдаржуулах төв рүүгээ алхаж зөв хэвшлийг бий болгосноор залуухан харагдах боломжтой.
7. Үс арчилгаа
Нэгэн хэвийн үс засалтаас уйдсан бол одоохон өөрчил. Нэгэн нууц дэлгэхэд “майонез”-аар тослоход үсийг гэрэлтсэн, эрүүл харагдуулдаг.
