Өглөө.мн Шинэ өглөө, Шинэ мэдээлэл
Сүүлийн жилүүдэд ОХУ үйлдвэрлэсэн янз бүрийн автомат буунуудыг хилээр оруулж ирэх нь ихсэх болжээ. Зургаан гөрөөс өнгөрөхөд автомат буугаар бүгдийг нь шархдуулах Зургаан гөрөөс өнгөрөхөд автомат буугаар бүгдийг нь шархдуулах боломжтой аж. Ан хийх гэж байгаа хүнд зургаан гөрөөс шархдуулах шаардлага байхгүй. Энэ нь нэг ёсондоо агнуур биш аллага болж байна. Тиймээс БОНХЯ-наас агнуурыг ангийн зориулалттай буу, сумаар хийлгэдэг болгохыг зорьж байгаа аж.
Иймээс ТББ-уудын “Хууль бус агнуурыг бууруулах эрх зүйн орчныг шинэчлэх талуудын хэлэлцүүлэг” өчигдөр БОНХЯ-ны Хаан танхимд боллоо. Манай улсын иргэдийн гар дээр 47 000 галт зэвсэг байгаагийн 44 мянга нь ангийн зориулалттай. Гэхдээ энэ нь анх байлдааны зориулалтаар үйлдвэрлэсэн бууг ангийн болгож өөрчилсөн галт зэвсгүүд ажээ.
БОНХЯ-ны Төрийн нарийн бичгийн даргын 2013 оны 11 дүгээр сарын 13-ны өдрийн А-296 тоот тушаалаар Хууль бус агнуурыг бууруулах, эрх зүйн орчны шинэчлэл хийх эрх бүхий ажлын хэсэг байгуулагдан ажиллаж, түүний судалгаа дүгнэлтэд үндэслэн эрх зүйн орчныг сайжруулах арга зам, гарцыг тодорхойлох зорилгоор эл хэлэлцүүлэг өрнөсөн юм. Сүүлийн 3 жилд хууль бус агнуур үйлдсэн хэргийн 90 гаруй хувь нь галт зэвсгээр үйлдэгдсэн зөрчил байгаа аж.
Түүнчлэн галт зэвсгийн хэв загварыг өөрчлөх, үйлдвэрийн бус аргаар хийж бэлтгэх, байлдааны буугаар ан хийх, хууль бус агнуур үйлдэгчид нь далд зохион байгуулалтад орж байгаа зэрэг нь “Галт зэвсгийн тухай хууль”-д шинэчилсэн найруулга оруулах зайлшгүй шаардлагатайг харуулж байна. Ан агнах зориулалттай галт зэвсгийн эрхзүйн орчинг сайжруулахад байгаль орчны асуудал эрхэлсэн төрийн захиргааны төв байгууллагын санал санаачилга нэн чухал тул “Галт зэвсгийн тухай хууль”-ийг шинэчлэн найруулсан хуулийн төслийг мэргэжлийн байгууллагуудаар хэлэлцүүлэн, тодорхой саналыг тусгасан байна.Тухайлбал,
-“ан агнах зориулалттай галт зэвсэг” гэж автоматаар цэнэглэгдэхгүй буюу замаг нь механик ажиллагаатай, хүхээгтээ 5 ба түүнээс цөөн сум орох багтаамжтай, үйлдвэрийн хийцийг нь өөрчлөөгүй, ангийн зориулалтаар үйлдвэрлэсэн буу байна.
-“ан агнах зориулалттай галт зэвсгийн сум” гэж зүрхэвчгүй, тугалган хошуутай, нисэлтийн хурд нь ан агнахад зориулагдсан, ан агнах зориулалтаар үйлдвэрлэгдсэн галт биш сум байна зэрэг зайлшгүй шаардлагатай нэмэлт өөрчлөлтүүдийг тусгажээ.
