Өглөө.мн Шинэ өглөө, Шинэ мэдээлэл
XVII жарны ялгуусан хэмээх модон морин жилийн “Завханчуудын их золголт – 2014” арга хэмжээ 2014 оны 2-р сарын 13-ны 16:00 цагт Монгол бөхийн өргөөнд болох гэж байна. Завхан нутгийн уугуул иргэдийн их золголтын үеэр
1. Завханчуудынхаа хийморь лундааг адислан нутгийн хамба нараар тэргүүлсэн 108 лам засал ном айлтгана
2. Нутгийн манлай болсон хүчит 32 бөхийн барилдаан
3. Урлаг соёлын тоглолт
4. Нутгийн урчуудын уран бүтээлийн үзэсгэлэн зэрэг олон сайхан арга хэмжээ болох юм.
Энэ арга хэмжээний үеэр Морин жилийн есөн азтанг тодруулж, 24 сум тус бүрээс хүрэлцэн ирсэн гурван ахмад бууралд хүндэтгэл үзүүлж гарын бэлэг гардуулах аж.
Завхан аймгийн нутгийн зөвлөлөөс санаачлан жил бүр уламжлал болгон зохион байгуулдаг уг золголтын арга хэмжээний тасалбар худалдаанд гарсан бөгөөд тасалбарын үнэ 9999 төгрөг бөгөөд уг тасалбарыг Багшийн дээдийн Сонор плаза 704 тоот мөн Монгол бөхийн өргөөний билетийн кассаар худалдаалагдаж байна.
Харилцах утас: 325089 , 88849245 , 96327007
Элгээрээ энх амгалан
Төрлөөрөө түвшин амгалан
Сар шинэдээ сайхан шинэлээрэй
Золголт зохион байгуулах комисс
