“Гиннесс” цомын тэмцээн ирэх зун АНУ-д болно

Ливэрпүүл клуб албан ёсоор Гиннесс (Guinness International Champions Cup) цомын тэмцээнд оролцох болсноо зарлалаа. Энэхүү тэмцээн ирэх зун АНУ-д болох юм. Улаануудаас гадна цомын тэмцээнд Италийн Интер, Рома, АС Милан, Английн Ман Сити, Ман Ю, Испанийн Реал Мадрид, Грекийн Олимпиакос багууд оролцох мэдүүлгээ өгсөн байна.

“Бид хамгийн сүүлд АНУ-д 2012 онд зочилж байсан. Тухайн үед гайхалтай мэдрэмжийг авч байсан юм” хэмээн багийн худалдааны төлөөлөгч Билли Хоган ярьсан байна. Тэрээр мөн: “Тиймээс бид цомын тэмцээнд урьсан урилгыг баяртай хүлээн авч энэ жилд дахин Нэгдсэн улсыг зорих боломжтой боллоо”

“Энэ аялал багийн хувьд Нэгдсэн улсад айлчилж байгаа 7 дахь удаагийн тохиолдол бөгөөд энэ улсад манай олон мянган фанатууд байдаг. Тиймээс бид тэдэнтэй ойртож харилцаагаа өргөжүүлэх боломжтой болж байна”

Энэхүү цомын тэмцээнд оролцох багууд 2 хэсэгт хуваагдаж хамгийн багадаа 3 тоглолт хийх юм. Хэсгийн ялагч баг аваргын төлөө 8 сарын 4-нд Майами хотод тоглоно.

Хэрвээ Ливэрпүүл зун аваргуудын лигийн урьдчилсан шатны тоглолт хийх бол энэхүү тэмцээнд оролцох боломжгүй болох магадлатай гэнэ.

Харин одоо та бүхэндээ тэмцээний хуваарийг танилцуулж байна.

2014 оны 7 сарын 26

Интер – Реал Мадрид. Финикс
Рома – Манчестер Юнайтед. Денвер
Олимпиакос – Ливэрпүүл. Чикаго

2014 оны 7 сарын 27 

Манчестер Сити – Милан. Питтсбург

2014  оны 7 сарын 29 

Интер – Манчестер Юнайтед. Вашингтон
Рома – Реал Мадрид. Даллас

2014 оны 7 сарын 30 

Милан – Ливэрпүүл. Филадельфия
Манчестер Сити – Олимпиакос. Денвер

2014 оны 8 сарын 1 

Рома – Интер. Нью-Йорк

2014 оны 8 сарын 2 

Милан – Олимпиакос. Хартфорд
Реал Мадрид – Манчестер Юнайтед. Энн-Арбор
Ливэрпүүл – Манчестер Сити. Шарлотт

2014 оны 8 сарын 3-4 өдрүүдэд хагас шигшээ болон хүрэл медалийн төлөөх тоглолтууд явагдана.

С.Бадрал