Ерөнхийлөгч Ц.Элбэгдоржийн дэвшүүлсэн “Том төрөөс ухаалаг төр рүү” санаачилгын хүрээнд Төрийн өмчийн хороог сан болгохоор Засгийн газрын хэрэг эрхлэх газрын дарга Ч.Сайханбилэгээр ахлуулсан Ажлын хэсэг байгуулагджээ.
Төрийн өмчийн хороо нь төрийн өмчит болон төрийн өмч давамгайлсан 100 гаруй компанийн үйл ажиллагааг хянаж, чиглүүлдэг бөгөөд тус хороог төрийн өмчит компаниудыг зохистой удирдаж чаддаггүй, төрийн компаниудыг шахааны бизнесийн үүр уурхай болгосон гэсэн хэл ам байнга гардаг юм. Тиймээс Төрийн өмчийн хороог сан болгож, төрийн өмчит компаниудыг улс төрийн нөлөөнөөс ангид байлгах нь зүйтэй хэмээн үзжээ.
Төрийн өмчит компаниудыг Монголын хөрөнгийн биржээр дамжуулан хувьцаа гаргах хэлбэрээр хувьчлах юм байна.