Өглөө.мн Шинэ өглөө, Шинэ мэдээлэл
Монгол Улсын Үндэсний Дуу Бүжгийн Эрдмийн Чуулгын уран бүтээлчид Монголын олон зууны тэртээх түүхийн тавцанд тодорсон домог туульсын Гоо марал, Алунгоо эхээс эхлээд төрт улсын Өүлэн эх, Бөртэ-Үжин, Дөргөнө, Сорхагтани, Чимбай, Алтан ургийн хэлхээ Самар, Мандухай зэрэг 9 хатдын түүхэн амьдралыг бүжгийн хэлээр үзүүлсэн “МОНГОЛЫН ИХ ХАТАД” бүжгэн туульсаа дахин тайзнаа амилуулахаар болжээ.
Монголын соёл урлагийн шилдэг бүтээл шалгаруулах “Гоо марал” наадмын шагналыг хүртсэн энэхүү бүтээлээ 2014 оны 02 дугаар сарын 21, 22, 23, 28 болон 03-р сарын 01, 02, 03-ны өдрүүдэд 19:00 цагт ҮДБЭЧ-ын тайзнаа тоглохоор төлөвлөж байна.
Эрхэм та бүхэн байгууллага, хамт олон найз нөхдөөрөө энэхүү уран бүтээлийг таалан соёрхоно уу!
