Өглөө.мн Шинэ өглөө, Шинэ мэдээлэл
АНУ-ын Нью-Орлеанс хотын “Smoothie King Center”-т Улаанбаатарын цагаар өнөө өглөө явагдсан NBA-гийн 63 дахь удаагийн “БҮХ ОДОД”-ын тоглолтод эвдэгдсэн рекордуудыг танилцуулж байна.
• Хоёр баг нийлээд 318 оноо авсан нь бүх оддын тоглолтын түүхэн амжилт боллоо. Өмнө рекорд 1987 оны “All star”-аар хоёр бүс нийлж авсан 303 оноо байлаа. Тэр тоглолт цаг сунгасан бол өнөөдөрийнх зөвхөн дөрвөн үеийн турш цуглуулсан оноо.
• Мөн энэ өглөө дорнод бүс 2003 оны Бүх оддын тоглолтоор хоёр нэмэлт цагийн дүнд авч байсан 155 оноогоо 163 болгож, рекодоо шинэчлэв.
• Өнөөдөр хоёр бүсийн шилдэг залуус нийт 88 оновчтой дамжуулалт өгсөн нь өөр нэгэн дээд амжилт байлаа. Өмнөх нь 1984 онд 84 ассистаар тогтоогдсон байжээ.
• Хоёр баг нийт 135 довтолгоо амжилттай болгосон нь бас л рекорд. 2007 оны тоглолтоор хоёр бүс нийлээд 128 дотволгоогоо байнд нь тусгаж байсан нь өмнөх дээд амжилт байсан юм.
• Хоёр баг гурвын зураасны араас нийт 30 удаа амжилттай шидсэн нь рекорд. Өмнөх хоёр жил хамгийн олон буюу 26 довтолгоо амжилттай болоод байсан аж.
• Хоёр баг гурван онооны цэг дээрээс 100 шидэлт хийсэн бас л рекорд. Урд нь 2013 Бүх оддууд нийлээд 71 оролдлого хийгээд байжээ.
• Өрнөд бүс багаар гурван онооны 56 оролдлого хийж дээд амжилт тогтоов. Өмнөхийг 2013 онд Дорнодчууд 39-ээр эзэмшиж байжээ.
• Өрнөдийн залуучууд 3-онооны цэгээс 16 шидэлтээ амжилттай болгсон нь ахин нэг рекорд болсон байна. Өмнөх рекорд нь 2012 онд зүүн бүсийн 14, 2013 оны бүх оддоор баруун бүсийн амжилттай хийсэн 14 шидэлт байлаа.
• Дорнод бүс өнөөдөр нийт 70 довтолгоогоо амжилттай болгосон нь рекорд. Өмнөхийг нь Өрнөд 2007 онд 69-ээр эзэмшиж байв...цааш нь
