Өглөө.мн Шинэ өглөө, Шинэ мэдээлэл
Өнгөрсөн оны 10 дугаар сараас тасралтгүй өсч байсан гурилын үнэ буурах төлөвтэй байна. Тодруулбал “Алтан тариа” ХХК дээд зэрэглэлийн гурилынхаа үнийг 50-200 төгрөгөөр буюу 6-14 хувиар хямдруулан худалдаж эхэлжээ.Шинэчлэгдсэн үнээр 25 кг-ын савлагаатай дээдийн дээд, ширхэгтэй дээд гурил нэг кг нь 1200 төгрөг, дээд гурил 870 төгрөг болж байгаа аж. Мөн 50 кг-ын савлагаатай нэгдүгээр гурилын үнийг 610 төгрөгт барьж байгаа нь энэ төрлийн гурилын зах зээл дэх хамгийн хямд үнэ болж байна. Дээд зэрэглэлийн гурилын үнийг ийн буулгах болсон нь гол өрсөлдөгч болох Орос гурилын үнэ хямдарч байгаатай холбоотой аж.
Ийнхүү дотоодын гурилын зах зээлд өөрийн байр сууриа эзэлсэн томоохон компанийн нэг болох “Алтан тариа” компани үнээр өрсөлдөх тактик баримталж байгаа нь бусад компаниудын хувьд ч бүтээгдэхүүнийхээ үнийг бууруулах нөхцөл бүрдэж байна.
