Өглөө.мн Шинэ өглөө, Шинэ мэдээлэл
АНУ-ын тамирчин Лорин Уильямс орчин үеийн олимпийн түүхэнд өвөл, зуны олимпоос медаль хүртсэн анхны эмэгтэй тамирчин боллоо. Тэрбээр эмэгтэй бобслейн төрөлд Элана Майертэй цуг мөнгөн медаль хүртсэн байна. Хөнгөн атлетикч Лорин Уильямс өмнө нь Лондон-2012 олимпоос 4х100 м буухиа гүйлтийн төрөлд алтан медаль, 2004 онд Сиднейн олимпоос 100 метрийн гүйлтийн уралдаанаас мөнгөн медаль хүртжээ.
Лорин Уильямс “Би Сочид ирэхдээ түүхэнд бичигдэх зорилготой байгаагүй ээ. АНУ-ын шигшээ багт өөрийн чадлаар хувь нэмрээ оруулах гэж ирсэн. Чадах бүхнээ хийсэндээ, хамтын уралдаанд амжилт гаргасандаа баяртай байна” гэж хэлсэн аж. Канадын бобслейч Кэйлли Хамфрис, Хизер Мойс нар америк бүсгүйчүүдээс 10 долийн өмнө барианд орж, алтан медаль хүртжээ.
