Хөхөгчин үхэр өдөр

Аргын тооллын 2 сарын 23-ны ням гараг,  билгийн тооллын хаврын  тэргүүн бар сарын  24-ны адья гараг. Шороон хөлөлтэй, түлэхийн барилдлагатай  хөхөгчин үхэр өдөр. Өдрийн наран 7 :44 цагт  мандан, 18:13 цагт  жаргана.

Тухайн өдөр тахиа, могой жилтнээ аливаа үйлийг хийхэд эерэг сайн. Эл өдөр гэмтнийг шийтгэх, даллага дуудуулах, насан бүтээл хийлгэх, мал арилжих, буг дарах, газрын ам бооход сайн. Эрдэнийг гадагш өгөх, байшингийн суурь тавих, угаал үйлдэхэд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.