Зэсийн баяжмалаа экспортын орлого 2,9 дахин нэмэгджээ

Өнгөрсөн оны долоодугаар сараас эхлэн Оюутолгойн зэсийн баяжмалаа экспортолж эхэлсэн. Үүнтэй холбоотойгоор цаашдаа зэсийн баяжмалын экспорт эрс нэмэгдэнэ гэсэн хүлээлт үүсээд байгаа. Тэгвэл он гарсаар эхний нэг сард зэсийн баяжмалын экспортын орлого өмнөх оны мөн үетэй харьцуулахад 2.9 дахин нэмэгдсэн байна. Үүний дийлэнх хувийг Оюутолгойн экспорт бүрдүүлж байгаа аж. Энэ онд Оюутолгойн ил уурхайн экспорт жигдэрснээр зэсийн баяжмалын экспорт улам нэмэгдэх төлөвтэй байгаа юм.