Өглөө.мн Шинэ өглөө, Шинэ мэдээлэл
АНУ-ын Төрийн нарийн бичгийн дарга Жон Керри “АНУ-ын засаг захиргаа Украйнд хугацаатай зээл маягаар нэг тэрбум ам.долларын санхүүгийн тусламж үзүүлэх боломжийг судалж байна” гэж мэдэгдлээ.
Тэрбээр энэ тусламжийг олон улсын нийгэмлэгүүдээс Украйнд үзүүлэх санхүүгийн дэмжлэгийн хүрээнд олгоно гэдгийг онцолсон байна. Түүнчлэн Европын Холбооноос 1.5 тэрбум ам.долларын тусламж үзүүлэхээр ярьж байгаа ч одоогоор албан ёсны шийдвэр хараахан гараагүй байгааг дурьдсан.
Жон Керри Украйны шинэ удирдлагууд авлигатай тэмцэж эхлэх, шударга, эрх чөлөөт сонгуульд бэлтгэх зэрэг өөрчлөлтийг түргэн хугацаанд хийх шаардлагатай гэдгийг тэмдэглэлээ.
Украйны Үндсэн хуулийг өөрчилж, шинээр томилогдсон парламентын дарга Ерөнхийлөгчийн үүрэг гүйцэтгэж эхэлснээс гадна хэд хэдэн сайдыг үүрэг ажлаас нь чөлөөлжээ.
