Топ-20 индекс 2.42 хувиар өслөө

Монголын хөрөнгийн биржийн өнөөдрийн арилжаагаар нийт 29 ХК-ийн 72697 ширхэг хувьцаа 46 сая 395 мянга 300 төгрөгөөр арилжигдлаа. Өдрийн арилжааны дараа “Дархан хөвөн” ХК-ийн хувьцааны ханш 15 хувиар өссөн бол “Монгол Савхи” ХК-ийн хувьцааны ханш 15 хувиар буурчээ.

Топ-20 индекс 16708.29 нэгж болж, өмнөх өдрийнхөөс 2.42 хувиар өслөө. Хөрөнгийн зах зээлийн нийт үнэлгээ нэг их наяд 662 тэрбум 155 сая 829 мянга 450 төгрөг болжээ. Хөрөнгө оруулагчид “Ремикон” /тоо ширхэгээр/, “Шарын гол” /үнийн дүнгээр/ ХК-иудын хувьцааг идэвхтэй худалдан авсан байна.

Д.Амар