Шар бар өдөр

Аргын тооллын 3 сарын 8-ны бямба гараг, Олон улсын эмэгтэйчүүдийн эрхийг хамгаалах өдөр.  Билгийн тооллын хаврын дунд улаагчин  туулай бага сарын шинийн  7-ны санчир гараг, Чөлөөт эх одтой, мод хөлөлтэй, шидийн барилдлагатай 5 шар мэнгэтэй  шар бар өдөр. Өдрийн наран 7:26 цагт  мандан, 18:36 цагт жаргана.

Тухайн өдөр морь, нохой жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, шинэ ажил эхлэх, зэрэг дэвших, сүм дуганыг сэргээх, амьлуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бөө, удганы үйл, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.