“Монголын геологи хайгуул 2014” чуулган болно

“Монголын геологи хайгуул 2014” чуулга уулзалтыг  энэ сарын 20-23-ны өдрүүдэд Оросын шинжлэх ухаан соёлын төвд зохион байгуулахаар болжээ. Чуулганаар геологи, эрдэс баялгийн салбарынхан хийж гүйцэтгэсэн  ажлынхаа талаар харилцан мэдээлэл солилцох боломж олгохын дээр  судалгаа шинжилгээний арга аргачлал, геологийн судалгааны төслүүдийг харилцан танилцуулж улмаар төрийн бодлогод геологийн салбарын байр суурийг багтаах ач холбогдолтой уулзалт болно гэж зохион байгуулагчид үзэж байна. Энэхүү зорилгын хүрээнд “Монгол орны геологи” сэдэвт илтгэл өрнүүлнэ. Мөн ШУА-ийн Палентлогийн төв,Геологи эрдэс баялгийн хүрээлэн,ШУТИС-ийн Геологи газрын тосны сургууль зэрэг байгууллага болон хувь хүний цуглуулсан палентлогийн олдвор,тулгуур зүсэлт,чулуу,эрдэс, хүдрийн дээжсийн үзэсгэлэн зохион байгуулж шилдэг дээжийг гурван төрлөөр шалгаруулах юм байна.