Өглөө.мн Шинэ өглөө, Шинэ мэдээлэл
Өнгөрөгч амралтын өдөр Монголын Сагсан бөмбөгийн холбоо /МСБХ/-ны ээлжит чуулган болж, шинэ тэргүүн болоод удирдах зөвлөлийн гишүүд, цаашдын үйл ажиллагаагаа тодрхойлжээ. Учир нь тус холбооны тэргүүн асан Ч.Ганхуяг өөрийн хүсэлтээр албан тушаалаасаа татгалзаад байсан юм.
МСБХ-ны ерөнхийлөгчид УИХ-ын гишүүн, ХАХНХ-ын сайд С.Эрдэнэ, МСБХ-ны удирдах зөвлөлийн гишүүн Б.Тамир нар өрсөлдөж, 68 хувийн саналаар Б.Тамир сонгогдсон байна. Харин удирдах зөвлөлийн гишүүдээр Ж.Чинзориг (“Миллхаус” компанийн гүйцэтгэх захирал), Ц.Шаравжамц (МУГТ), С.Болорсайхан (Витафит компанийн захирал), С.Эрдэнэ (УИХ-ын гишүүн, ХАХНХ-ын сайд), Б.Гантөмөр (“MCS Coca Cola” ХХК-ийн захирал) болон тамирчдаас бүрдсэн 21 хүнийг томилжээ.
