”Ард” кино театр ч гэсэн улсын өмч

Сүүлийн үед ШӨХТГ-аас ме­нежментийн гэрээгээр хувьч­лагдсан төрийн өм­чит газ­руудад шалгалт хийж нийгэмд багагүй дуу­лиан тарьж байгаа.

Тодруулбал “АСА” циркийн хувьчлал­тай хол­боо­той асуу­дал сө­хөгд­сөнөөс хойш хувьч­лал нэрээр бус­дын гарт орж үгүй болсон улсын объектуудыг төр анхаарч эхэллээ.

Өөрөөр хэлбэл хувьч­лагдсан гэх урлагийн газ­рууд “АСА” цирк шиг хувьч­лалынхаа гэрээг зөрч­сөн үү, аль эсвэл гэрээнд заас­­ны дагуу ажиллаж бай­на уу гэдгийг ШӨХТГ, болон ТӨХ шалгаж эхлэхээр болсон байна.

Товчхондоо менежмен­тийн хувьчлалаар хувьч­лагдсан ур­лаг соёлын гурав, дөр­вөн газ­рыг шалгаж бай­гаа аж. Энэ та­лаар ШӨХТГ-ын дарга О.Магнай хэлэхдээ “Нэгийг нь они­­лоод нө­гөөг нь зүгээр орхиж бо­лох­гүй.

Тиймээс бид бусад хувьч­лагд­сан газ­руудыг ч шал­гаж байгаа. Удахгүй олон нийтэд нэрийг нь зарлах болно, одоо бол цаг нь арай биш.

Учир нь энэ нь бай­гуул­­лагын нэр хүндтэй хол­боотой асуудал гэдгийг ойлгох хэрэгтэй. Зарим нэг нь менежментийн хувьч­­лалаар аваад гэрээ­ний­хээ дагуу үүргээ сайн бие­лүүлж ажилласан хү­мүүс ч бий. Төрөөс барьж байгаа гол бодлого бол заа­вал хувьчилсан газраа эр­гүүлээд авах гэхээсээ илүү үйл ажиллагааг нь засч зал­руу­лан хэвийн болгох шүү дээ” гэв.

Ямартай ч албаны хүний хэлж буйгаар соёлын гэх тодотголтой газруудыг шал­гаж байгаа нь үнэн бололтой.

Тэгвэл “АСА” циркээс гадна олон нийт авч үлдэ­хийг хүссэн нэг газар нь бол яах ч аргагүй “Ард” кино театр. Тодруулбал тус кино театрыг анх 1996 онд менежментийн хувьчлалаар хувь хүний мэ­дэлд шилжсэн гэдгийг хүн болгон л мэднэ. Мэдээж ту­хайн үед хувьчлал хийхдээ тодорхой зүйлүүдийг гэрээнд заасны дагуу хувьчлал явагдсан нь ойлгомжтой.

Одоо тэгвэл тус театрт дохиолол хам­гаалалтын алба, жуулчны газар, банк, бүж­­­гийн сургалтын төв, лом­­­­­бард, канон, зураг­чин, но­тариат, гээд ашгийн төлөөх үйлчилгээний байгууллагууд ажиллаж, эздүүд нь мөнгийг зүгээр сууж байгаад л олдог.

Тэгвэл тус кино театрыг өнөөдөр хэн гэгч ийм байдалд хүргэв гэвэл бидний сайн мэдэх Төрийн соёрхолт жү­жигчин Д.Сосор­барам гуай юм. Учир мэдэх хүмүүс түүнийг АН-ыг засаг барьж байх үед “Ард” кино театрыг менежментийн хувьчлалаар авсан ч үндсэн зориулалтаар нь ашиглалгүй бусад газ­руудад түрээсэлж, их хэм­жээний ашиг олдог гэж хэлж байсан юм. Уг нь анх тус кино театрын хувьчлал явагдаж байх үед маш олон хүн хувь­чилж авах саналаа өгч байсан гэдэг. Өөрөөр хэлбэл ажлын хэсгийнхэн энэ олон хүн дотроос сонголтоо хийж байгаад урлагийн хүн гэдэг утгаар нь Д.Сосорбарамд их л итгэж хувьчилуулж байсан юм билээ.

Гэтэл өөрийгөө “урлагт ээлтэй шударга нэгэн шүү би” гэж тодорхойлдог Тө­рийн соёрхолт өдгөө “Ард” ки­но театрыг ямархуу дүр зу­рагтай болгосныг нь найман настай балчраас наян настай буурал нь хүртэл мэдэх байх.

Уг нь менежментийн хувьч­­лал гэдэг нь үйл ажил­ла­­гааг нь зориулалтын дагуу ашиглаж, байгаа эд зүйлсийг нь засч сайжруулна гэсэн үг

Ер нь бол хувьчлалыг маш хуудуутай явуулсан гэдгийг албаныхан хүртэл өөрсдөө хэлж байсан. Энэ тухай ТӨХ-ны дарга Д.Цогтбаатар “Хувьчилж авсан л бол гэрээнд заасны дагуу үүргээ биелүүлэх ёстой” гэж байв.

Тухайлбал “АСА” цир­кийг хувьчлахад аж­лын хэсэгт ажиллаж байсан хү­мүүс нь зургаахан хоног өв­дөөд ирэх хооронд нь тэдний хийсэн бүтэн нэг жи­лийн ажлыг нь сал­хинд хийсгэж “АСА”-г хувьчил­сан гашуун түүх ч бий. Өнөөдөр манай улсад гэмт хэргийн гаралт маш их өсч байгаа. Энэ нь юутай холбоотой вэ гэхлээр залууст чөлөөт цагаа өнгөрөөх газар байхгүй.

Тэгэхээр тэд баар цэн­г­ээний газарт цагаа өнгө­рүүлж, буруу замаар будаа тээх болсон. Тиймээс л оюутнууд өнгөрсөн жил Сүх ахын талбайд “бидэнд чөлөөт цагаа зөв боловсон өнгөрүүлэх газар хэрэгтэй” байна хэмээн жагсаал зохион байгуулж байсан.
Өөрөөр хэлбэл нийслэлд нэг сая гаруй хүн амьдардаг үүний 70 орчим хувь нь залуус байдаг гэсэн судалгаа байдаг юм билээ.
Тиймээс л зарим нэг УИХ-ын гишүүд улсын төсөв хэлэлцэхэд хүүхэд, залуусыг соён гэ­гээрүүлэхэд чиглэсэн ба­рилга, байгууламжийг ол­­­ноор нь барих хэрэгтэй хэ­мээн хуулийн төсөл хүртэл боловсруулж байсан.

Тиймээс Төрийн соёрхолт Д.Сосорбарамын анх хувь­чилж авсан гэрээг олон нийтэд ил болгож, түүний энэхүү бусармаг үйлдлийг тас­лан зогсоож төрийн өмчийг төрд эргүүлэн өгөх нь зөв байх гэсэнтэй хүн болгон санал нэгдэх байх.

Ер нь бол менежментийн хувьчлал гэдэг бол зөв­хөн удирдлагыг хувьд шил­­жүү­­­лэхээс бус ба­рилга бай­­­­­гуу­ламжийг шилжүүл­дэг­­­гүй гэдгийг ТӨХ-ны дарга Д.Цогтбаатар ч хэлж бай­­сан. Өөрөөр хэлбэл бай­шин барилга нь улсын өмч хэвээрээ байгаа гэсэн үг. Юутай ч хувьчлал гэх нэрээр ашиг олж буй Со гавьяатаас “Ард” кино театраа эргүүлэн авах нь зүйн хэрэг байх.