Өглөө.мн Шинэ өглөө, Шинэ мэдээлэл
Азийн хоккейн холбооноос Арабын Нэгдсэн Эмират улсад зохион байгуулсан “Сhallenge Cup 2014” тэмцээнд манай хоккейн баг тамирчид амжилттай оролцож, хүрэл медаль хүртжээ.
Тэмцээн гуравдугаар сарын 16-22-ны өдрүүдэд АНЭУ-ын Абу Даби хотноо болсон бөгөөд Монголын шигшээ баг эхний тоглолтоо өнгөрсөн жилийн аварга Тайваны багтай хийж 3-10 харьцаагаар ялагдаж, хоёр дахь тоглолтоо Хонконгийн багийг (9:2), Тайланд (8:2), Кувейт(3:1) шигшээг тус тус ялсан юм.
Ингээд өчигдөр шөнө 00:00 цагт Эмиратын багтай мөнгөн медалийн төлөө тоглосон боловч талбайн эздэд 3:1 харьцаагаар хожигдож, гуравдугаар байрт шалгарчээ.
Дашрамд дурьдахад, тэмцээний тэргүүн байрт Тайваний шигшээ баг, хоёрдугаар байрт АНЭУ-ын шигшээ тус тус шалгарсан байна.
