Манай дартсчид хилийн дээс алхана

Азийн дартсын холбооноос зохион байгуулдаг тэмцээн Хонконгт эхлэх гэж байна. Энэ сарын 28-нд болох “The 10th ADA international darts tour”тэмцээнд манай улсаас эрэгтэй найм, эмэгтэй дөрвөн тамирчин оролцох бөгөөд тэд “International cup-International team challenge” төрөлд өрсөлдөх ажээ.

Үүнээс гадна ирэх сарын 5-нд Макаод болох дэлхийн уян дартсын холбооны “Soft darts world championship 2014” тэмцээнийн эхний шат болох “Dartslive asia open 2014”-д Монголын дартс сонирхогчдын холбооны тамирчид оролцох гэж байна.

Энэхүү тэмцээний “International one-Super one” төрөлд эрэгтэй дөрвөн тамирчин оролцоно. Мөн ганцаарчилсан болон хосын тэмцээнд эрэгтэйчүүд тав, эмэгтэйчүүд хоёр шатлалтайгаар өрсөлдөх аж. Дээрх тэмцээн бүгд электрон төрлөөр болно.

Д.Амар