2018 оноос Үндэстнүүдийн лигийн тэмцээн зохиогдоно

UEFA буюу Европын Хөлбөмбөгийн холбооноос шинээр “Үндэстнүүдийн лиг” нэртэй тэмцээнийг 2018 оноос эхлэн зохион байгуулах болсон тухай мэдэгджээ.

Тус тэмцээн нь Европын Хөлбөмбөгийн холбооны гишүүн улс орнуудын хооронд болдог нөхөрсөг тоглолтыг албан ёсоор орлох бөгөөд холбооны 54 гишүүн улсыг чансаагаар нь дөрвөн бүлэгт хуваан явуулах аж.

Үндэстний лиг нь “Евро 2020” тэмцээний урьдчилсан шатыг ч орлох боломжтой чансаа өндөртэй тэмцээн байх гэнэ.