Шарагчин гахай өдөр

Аргын тоололын 3 сарын 29-ны бямба гараг, билгийн тоололын хаврын дунд улаагчин туулай бага сарын шинийн 29-ны  санчир гараг.  2 хар мэнгэтэй, огторгуй суудалтай, түлэх барилдлагатай шарагчин гахай өдөр. Өдрий наран 06:37 цагаас мандаж, 19:17 цагт жаргана.

Тухайн өдөр хонь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнес эхлэх, зэрэг дэвших, хараал, жатхыг буцаах, нялхасын хурим хийх, хийморийн дарцаг хатгахад сайн. Газар ухах, худаг гаргах, уул овоо тахихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй.