Цагаагчин үхэр өдөр

Аргын тоололын 3 сарын 31-ны даваа гараг, билгийн тоололын хаврын дунд их сарын шинийн 1-ны сумьяа гараг. 9 улаан мэнгэтэй, рашааны барилдлагатай, уул хөлөлтэй, цагаагчин үхэр өдөр.  Өдрийн наран 06:33 цагт мандаж, 19:20 цагт жаргана.

 Тухайн өдөр тахиа, могой жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл үйлдэх, хагалгаа хийлгэх, биеийн тамирыг сэргээх, хишиг даллага дуудуулах, насан бүтээл хийлгэх, мал арилжих, гэр бүрэхэд сайн. Эрдэнийг гадагш өгөхөд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.