Өглөө.мн Шинэ өглөө, Шинэ мэдээлэл
Монгол Улсын Ерөнхийлөгчийн “Том төрөөс Ухаалаг төр рүү” санаачилгыг Нийслэл манлайлан хэрэгжүүлж нийслэлийн ИТХ-ын 16-р ээлжит хуралдаанаар “Ухаалаг Улаанбаатар” хөтөлбөрийг баталсан. Хөтөлбөрийн хүрээнд эхний ээлжинд нийслэлийн нутгийн захиргааны байгууллагын үйлчилгээг иргэдэд ойртуулах зорилгоор үе шаттай ажлууд хийхээр төлөвлөсөн юм. Үүний эхлэл болж нийслэлийн Засаг даргын санаачилгаар, нийслэлийн ЗДТГ-ын захиалгаар Мобиком корпораци Улаанбаатар хотод баригдаж буй барилга байгууламж, орон сууц, зам засварын ажил, түүний тусгай зөвшөөрөл, хууль ёсны эрхтэй эсэх мэдээллийг иргэд гар утсаараа авах “UB construction” аппликэйшн ашиглалтад орлоо. Энэхүү аппликэйшн нь дэлхийд анх удаа төрийн байгууллагын нэрээр олон нийтэд хүргэж байгаа аппликэйшн бөгөөд орон зай хамаарахгүйгээр Улаанбаатар хотод баригдаж буй барилга байгууламж, орон сууц, зам засварын ажлын талаарх мэдээллийг нэг дороос хялбархан аргаар гар утсаараа авах боломжтой. Энэ технологийг нэвтрүүлснээр иргэд техникийн нөхцөлөө аваагүй орон сууцанд мөнгө төлж хохирохгүйгээс гадна нийслэлд үүссэн эмх замбараагүй барилгажилтын асуудал цэгцэрнэ гэж албаныхан үзэж байгаа юм.
Хууль бус барилга байгууламж, авто замын мэдээллийг Нийслэлийн Иргэд хүлээн авах төвд иргэдээс цахим хэлбэрээр хүлээн авч бүртгэх бөгөөд аппликэйшнийн тасралтгүй үйл ажиллагааг НЗДТГ, Нийслэлийн Ерөнхий Төлөвлөгөөний газар, Нийслэлийн Авто замын газар, Нийслэлийн Иргэдийг хүлээн авах төв, Нийслэлийн Мэдээллийн технологийн газрууд хангаж ажиллана. Өнөөдрийн байдлаар тус аппликейшнд 600 гаруй байршил дахь мэдээлэл багтжээ.
Аппликэйшнийг хэрхэн ашиглах вэ?
Ухаалаг гар утсандаа Apple store, Андрод Маркетаас “UB construction” түлхүүр үгээр аппликэйшнийг татаж, суулгаад мэдээлэл авахыг хүссэн барилга, замын ажилруу гар утсаа чиглүүлэн Барилга эсвэл Зам гэсэн цэсэн дээр байхдаа зүүн тийш 90 градус эргүүлж харна. Ингэснээр тухайн барилгатай холбоотой мэдээлэл дэлгэрэнгүй гарч ирэх болно. Мөн хэрэглэгчийн байршлаас 1-2 километрийн радиуст хамгийн ойрхон байршсан 10 хүртэлх барилгын байршлыг танд харуулна гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.
Хууль бус барилга байгууламж, авто замын мэдээллийг Нийслэлийн Иргэд хүлээн авах төвд иргэдээс цахим хэлбэрээр хүлээн авч бүртгэх бөгөөд аппликэйшнийн тасралтгүй үйл ажиллагааг НЗДТГ, Нийслэлийн Ерөнхий Төлөвлөгөөний газар, Нийслэлийн Авто замын газар, Нийслэлийн Иргэдийг хүлээн авах төв, Нийслэлийн Мэдээллийн технологийн газрууд хангаж ажиллана. Өнөөдрийн байдлаар тус аппликейшнд 600 гаруй байршил дахь мэдээлэл багтжээ.
Аппликэйшнийг хэрхэн ашиглах вэ?
Ухаалаг гар утсандаа Apple store, Андрод Маркетаас “UB construction” түлхүүр үгээр аппликэйшнийг татаж, суулгаад мэдээлэл авахыг хүссэн барилга, замын ажилруу гар утсаа чиглүүлэн Барилга эсвэл Зам гэсэн цэсэн дээр байхдаа зүүн тийш 90 градус эргүүлж харна. Ингэснээр тухайн барилгатай холбоотой мэдээлэл дэлгэрэнгүй гарч ирэх болно. Мөн хэрэглэгчийн байршлаас 1-2 километрийн радиуст хамгийн ойрхон байршсан 10 хүртэлх барилгын байршлыг танд харуулна гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.
