“Оюутан-цэрэг”-үүдийн хичээл энэ бямбад эхэлнэ

Монгол Улсын Ерөнхийлөгчийн 2013 оны 192 тоот тушаалд үндэслэн “Оюутан-цэрэг” хөтөлбөрийг хэрэгжүүлж байгаа. Энэ хүрээнд холбогдох байгууллагууд өнгөрсөн  сарын 27, 28, 29-нд нийт 64 их, дээд сургуульд бүртгэл явуулжээ. Нийт 450 гаруй нэгдүгээр курсын оюутнууд сайн дурын үндсэн дээр бүртгүүлээд байгаа бөгөөд “оюутан-цэрэг”-ийн хичээл 4-р сарын 5-аас эхлэх юм байна.

Дашрамд дурьдахад, одоогоор оюутан цэргүүдийн анги хуваарилалт явагдаж байгаа бөгөөд хичээл нь МУБИС, МУИС, ШУТИС-д бямба, ням гарагт орж байх ажээ.