Улаан морь өдөр

Аргын тоололын 4 сарын 5-ны бямба гараг, билгийн тоололын хаврын дунд улаагчин туулай их сарын шинийн 6-ны санчир гараг, 4 ногоон мэнгэтэй, төмөр суудалтай, үл тохирох барилдлагатай улаан морь өдөр. Өдрийн наран 06:23 цагт мандаж, 19:27 цагт жаргана.
Тухайн өдөр бар, нохой жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, лусыг тахих, тангарагаа буцаахад сайн. Гэр бүрэх, хэрүүл тэмцэл хийх, сэтгэлд сэвтэй газар очих, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой. Ханш нээх улирал 4 цаг 55 минутад эхлэнэ. Үс шинээр үргээлгэх буюу засуулвал өнгө, зүс сайжирна гэж дорнын зурхайд өгүүлжээ.