Шударга өрсөлдөөн хэрэглэгчийн төлөө газар иргэдийн гомдол, мэдээллийн дагуу тодорхой үйл ажиллагаа явуулдаг. Тус газарт иргэдээс ирж буй гомдлын багагүй хувийг барьцаалан зээлдүүлэх газартай холбоотой гомдол эзэлдэг байна. Тиймээс тус газраас барьцаалан зээлдүүлэх үйлчилгээний тухай хуулийн төсөл боловсруулжээ.
Хуулийн төсөлд ломбард нь үйл ажиллагааны талаар ташаа сурталчилгаа хийх, үл хөдлөх хөрөнгө барьцаалах, иргэний бүх төрлийн баримт бичиг, хуулийн этгээдийн үүсгэн байгуулахтай холбоотой баримт бичиг барьцаалах, насанд хүрээгүй хүнд зээл өгөх, барьцааны хөрөнгөнөөс шалтгаалан зээлийн хүүг ялгамжтай тогтоох, шөнийн цагаар ажиллахыг хориглосон зүйл заалтуудыг оруулж өгсөн байна.
Д.Амар