Г.Дэнзэнг ажлаас нь чөлөөлөв

 Засгийн газрын өчигдөрийн ээлжит хуралдаанаар Засгийн газрын хэрэг эрхлэх газрын дэд дарга Г.Дэнзэнг ажлаас нь чөлөөлөх шийдвэр гаргасан байна. Учир нь тэрээр өнгөрсөн пүрэв гаригт ажлаасаа чөлөөлөгдөх хүсэлтээ өгсөн бөгөөд хүсэлтийн дагуу Засгийн газар ёсоор болгосон байна.

Г.Дэнзэн ажлаас чөлөөлөгдөх болсон шалтгаан нь Тавантолгойн тендерт эхнэрийнхээ компанийг ялуулсан, төрсөн эгчийгээ “Эрдэнэс тавантолгой” компанийн Хангамжийн хэлтсийн даргаар томилсон зэргээс үүдэн ихээхэн олны шүүмжлэлт өртсөнтэй холбоотойгоор ажлаас чөлөөлөгдөхөөс аргагүйд хүрсэн байна.

Иймээс Г.Дэнзэнг ажлаас нь чөлөөлж, түүний оронд Ч.Сайнбилэгийг томилжээ. Ч.Сайнбилэг нь Ерөнхийлөгчийн тамгын газрын дэд даргаар ажиллаж байсан нэгэн юм байна.

Т.Түвшин

Ugluu.mn