Цагаагчин тахиа өдөр

Аргын тооллын 12 сарын 16-ны мягмар гараг, билгийн тооллын  өвлийн эхэн сарын шинийн 25-ны ангараг гараг,  нэг цагаан мэнгэтэй, хүчин төгсөх барилдлагатай, шороон суудалтай, тугчин одтой, цагаагчин тахиа өдөр. Өдрийн наран 8:45 цагт  мандан, 17:05 цагт жаргана.

Тухайн өдөр үхэр, могой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, буг дарах, газрын ам бооход сайн. Мод суулгах, нарийн чанд зөвлөгөөн хийх, бөө, удганы үйл хийх, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун зүгт мөрөө гаргавал зохистой. Тэрсүүд өдөр. Үс шинээр үргээлгэх буюу засуулахад тохиромжгүй.