“Хурд” хамтлагийн ээлжит шинэ уран бүтээл “Гэгээн гуниг”

Монгол туургатан даяар хит болон эгшиглэсээр байгаа олон гайхалтай бүтээлүүдийг амилуулсаар яваа “Хурд” хамтлаг сонсогч фенүүддээ зориулан шинэ уран бүтээлүүдээ цувралаар танилцуулсаар байгаа билээ.

    Сүүлийн жилүүдэд “Хурд” хамтлагийн урын санд 20 орчим шинэ дуу мэндэлсэнээс эхний ээлжинд 8-н дууг сонгон авч “ETV” телевизийн хамт олонтой хамтран “Нарлаг диваажин” хэмээх шинэ уран бүтээлүүдээ танилцуулах төслийг сар гаруй хугацаанд хэрэгжүүлэхээр болоод 7 хоног бүр нэгэн шинэ уран бүтээлээ цацаж байгаа юм.

   “Нарлаг диваажин” төслийн хүрээнд хамгийн анхны уран бүтээл нь “Нарлаг диваажин” нэртэйгээр хоёр дахь уран бүтээл нь “Яамайдаа”, гурав дахь нь “Хүн чулуу” хэмээх нэртэйгээр та бүхэндээ хүрсэн. Тэгвэл 20 жилийн турш тасралтгүй уран бүтээлээ түмэн олондоо хүргэсэн алтан хамтлагийн зүгээс уг төслийн дөрөв дахь уран бүтээл болох “Гэгээн гуниг” нэртэй шинэ уран бүтээлээ сонсогч түмэндээ хүргэхэд бэлэн болжээ. Ингээд та бүхэндээ “Нарлаг диваажин” төслийн дөрөв дахь уран бүтээлийг толилуулж байна.