Гантогоо олон улсын топ моделийн тэмцээнд хүндэт шүүгчээр ажиллаа

БНХАУ-ын Шензень хотод зохион байгуулагдсан “Miss Model of the World-2014” тэмцээнд  манай орны мисс Ариунзул тун амжилттай оролцлоо. Тэрээр “Мисс Монгол аялал жуучлалын холбоо”-ны тэргүүн мисс Гантогоогийн хамтаар тус тэмцээнийг зорьсон юм. Энэхүү тэмцээний хүндтэй шүүгчээр мисс Гантогоо ажилласан таатай мэдээллийг уншигчиддаа хүргэж байна. “Miss Model of the World-2014” тэмцээний  шүүгчээр БНХАУ-ын урлагын нэрт зүтгэлтнүүд болон, “CCTV” телевизийн ерөнхий захирал, засгийн газрын гишүүн нь шүүгчээр ажиллажээ. Ийнхүү дэлхийн нэр хүндтэй тэмцээнийг Монгол бүсгүй шүүж, манай мисс Ариунзул шилдэг 10-т багтсан бахдам амжилтаар тус тэмцээн өндөрлөлөө.

Эх сурвалж: www.dorgio.mn