“Танхай тээгч” үзэгчдийн хүртээл боллоо

“Aurora” фильмийн найруулагч Б.Чингүүн болон  “Х-Түц” продакшны жүжигчин, Гавьяат жүжигчин И.Одончимэг нарын хамтран найруулсан “Танхай тээгч” инээдмийн уран сайхны кино шинэ оны эхний өдөр буюу 2014 оны 01 сарын 01-нээс эхлэн Тэнгис Өргөө кино театруудын дэлгэцээр үзэгчдэд хүрч эхэллээ.

Нэрнээсээ эхлээд содон өвөрмөц, басхүү эмзэг сэдвийг хөндсөн инээдмийн хөнгөн драм төрлийн тус киноны гол дүрд гавьяат жүжигчин И.Одончимэг, Соёлын тэргүүний ажилтан, жүжигчин Ц.Батхуяг буюу Амбий, жүжигчин Т.Бархүү, О.Долгор нар тоглосон байна.

“Танхай Тээгч” инээдмийн уран сайхны кино маргааш буюу энэ сарын 2-нд 14.00 цагт “Тэнгис” кино театрт, 16.30 цагт “Өргөө” кино театрт албан ёсны нээлтээ хийх юм.

“Танхай тээгч” киноны трэйлэр болон дууг нь хүргэж байна.

Г.Туяа