“Үргээлэг” ашиг, орлогоороо тэргүүлжээ

Шударга өрсөлдөөн, хэрэглэгчийн төлөө газар монгол киноны ашиг, орлогын тухай мэдээллийг долоо хоног бүр олон нийтэд танилцуулдаг. 2014 оны эхний хагас жилд найруулагч, зохиолч Ж.Сэнгэдоржийн найруулсан “Үргээлэг” кино шалгарсан бол оны сүүлийн хагаст ч мөн тэргүүлжээ. “Үргээлэг” киногоор Монголын нийгэмд тулгамдаж буй асуудлууд болон Монголд ажиллаж амьдарч буй хятад иргэдийн тухай өгүүлсэн байна. Дашрамд, “Зүрхээр наадагч” кино ашиг орлогоороо удаалжээ. 2014 онд 39 монгол кино нээлтээ хийжээ.