Өглөө.мн Шинэ өглөө, Шинэ мэдээлэл
Төв аймгийн Алтанбулаг сумын II багийн нутаг, Дунд Хавтгайн энгэр хэмээх газар нутаглаж байсан малчин С-ийн нохой энэ сарын 3-ны өдөр хүн рүү дайрчээ. Үүний улмаас гурван хүн хазуулж, эмнэлэгт хүргэгдсэн байна.
Эх сурвалжийн мэдээллээр нохойд хазуулсан иргэдэд урьдчилан сэргийлэх вакцин, боолт хийжээ. Эдгээр иргэд нь 20-36 насныхан аж. Хүн рүү дайрсан нохойг устгаж, шинжилгээнд хамруулсан байна. Одоогийн байдлаар эцсийн хариу гараагүй болохыг албаныхан мэдэгдлээ.
