Харагчин хонь өдөр

Аргын тооллын 1 сарын 7-ны лхагва гараг, билгийн тооллын өвлийн  дунд сарын шинийн 17-ны 6 цагаан мэнгэтэй, рашааны барилдлагатай, хий суудалтай, үнэг одтой, харагчин хонь өдөр. Өдрийн наран 8:39 цагт  мандан, 17:11 цагт  жаргана.

Тухайн өдөр гахай, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл үйлдэх, хагалгаа хийлгэх, биеийн тамирыг сэргээх, угаал үйлдэх, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэхэд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй.