Өглөө.мн Шинэ өглөө, Шинэ мэдээлэл
СТА жүжигчин Г.Ундармаагийн найруулсан “Тютю” уран сайхны кино энэ сарын 9-нд нээлтээ хийхээр товоо зарласан билээ.
“U Film” студийн хоёр дахь уран бүтээл болох уг киноны гол дүрийн Алимаа хэмээх охины дүрд ОХУ-ын Театр урлагийн академи жүжигчний ангийн хоёрдугаар курсийн оюутан М.Цэрэндолгор тоглосон. Мөн энэхүү кинонд гавьяат жүжигчин Б.Жаргалсайхан болон О.Гэрэлсүх, Г.Золбоот, Амбий буюу Ц.Батхуяг, Д.Бямбацогт, мисс Д.Ариунцэцэг, Ц.Алдармаа, мэргэжлийн балетчин үзэсгэлэнт бүсгүйчүүд тоглосон бөгөөд хэний дүрийг хэрхэн амьдруулав гэдгийг киноноос харах л үлдээд байна
Сонирхуулахад, тютю гэдэг нь балетийн бүжгийн үеэр өмсдөг дэрвэгэр хормой юм. Хормой нь унжсан дан давхаргатай эсвэл дэрвийсэн олон давхаргатай байдаг. 1800-аад оны дунд үед хонх хэлбэртэй романтик даашинз илүү түгээмэл байсан бол 19-р зууны эцэст тютю олны хүртээл болжээ. Мэргэжлийн шүүгчид, балетчидын техник чадвар, хөлийн хөдөлгөөнийг ажиглах шаардлагатай болсноор тютю үүссэн гэдэг.
Undesten.mn
