АН-ын генсекийн үүргийг Л.Эрхэмбаяр түр гүйцэтгэхээр болжээ

АН-ын  дарга З.Энхболд   намынхаа  гүйцэтгэх зөвлөлийн хурлыг зарлан хуралдуулж, тус  хурлаар  дөнгөж сая АН-ын Ерөнхий нарийн  бичгийн даргын үүргийг  Монгол улсын Ерөнхийлөгч Ц.Элбэгдоржийн зөвлөх Ломбын Эрхэмбаярт  түр хариуцлуулан гүйцэтгүүлэхээр  болжээ.    Ерөнхий нарийн бичгийн даргыг томилох үүргийг АН-ын дүрмээр АН-ын их хурлаар  эцэслэн шийддэг бөгөөд одоогоор АН-ын Их хурлын тодорхойгүй байгаа ажээ. Уншигч та бүхэндээ АН-ын генсекийн үүрэг гүйцэтгэгч болсон Ломбын Эрхэмбаярын товч намтарыг танилцуулья

Эрхэлсэн ажил:

• Монгол Улсын Ерөнхийлөгчийн Амьдрах орчин, ногоон хөгжлийн бодлогын зөвлөх

Боловсрол:

• Хөдөө Аж Ахуйн Их Сургууль

Мэргэжил:

• Генетикч
• Мал зүйч

Эрдмийн зэрэг:

• Боловсорлын доктор (Ph)

Мэргэжлийн чиглэлээр туурвисан бүтээл:

• “Монгол сарлагийн селекцийн зарим үзүүлэлт” боловсролын докторын зэрэг горилсон нэгэн сэдэвт бүтээл
• Нээлттэй нийгэм формтой хамтран хэрэгжүүлсэн ”Бэлчээрийн мал аж ахуйн ирээдүй” сэдэвт олон нийтийн санаа бодлыг тандан судлах судалгааны дүн бүтээл
• “Томоохон хот суурингийн орчимд мал аж ахуйг зохистой хөгжүүлэх боломжит хувилбарууд” хамтын бүтээл
• Эрдэм шинжилгээ, судалгааны 30 гаруй өгүүлэл, нийтлэл

Ажлын туршлага:

• 1985-1987 оны 9-р сар Архангай аймгийн Үржил-селекцийн станцийн ахлах мэргэжилтэн.
• 1987 оны 9-р сараас 1989 оны 9-р сар Архангай аймгийн Тариат суманд багийн Засаг дарга, Улсын үржлийн эрхлэгч
• 1989 оны 9-р сараас 1992 оны 10-р сар Ихтамир сум дахь Өндөр уулын бүсийн Эрдэм шинжилгээний станцын эрдэм шинжилгээний ажилтан, секторын эрхлэгч.
• 1992 оны 12-р сараас 1996 оны 11-р сар үйлдвэллэл, үйлчилгээний “БЭЭТ” ХХК-ийн захирал
• 1996 оны 11-р сараас 1999 оны 3-р сар Архангай аймгийн Засаг дарга
• 1999 оны 4-р сараас 2001 оны 2-р сар ЗГХЭГ-т орон нутгийн асуудал хариуцсан референт
• 2001 оны 03-р сараас 2009 оны 6-р сар хугацаанд хөдөө аж ахуйн үйлдвэрлэлийн чиглэлээр Батнаяд, Түмэн шувуут, Дорнод Монголын шинжлэх ухаан үйлдвэрлэлийн төв зэрэг компанийн ТУЗ-ийн дарга, зөвлөхөөр ажилласан.

Олон нийтийн байгууллагын сонгуульт ажил:

• 2003 оноос Монголын эрчимжсэн хөдөө аж ахуйн “Арго дэвшил холбоо” ТББ-ын тэргүүн
• 2007 оноос Монголын шувууны аж ахуй эрхлэгчдийн холбооны тэргүүнээр ажиллаж байна.

Улс төрийн сонгуульт ажил:

• Нийслэлийн Иргэдийн Төлөөлөгчдын Хурлын Төлөөлөгч, Хурлын тэргүүлэгч
• Ардчилсан намын ҮЗХ-ны гишүүн
• Нийслэлийн Ардчилсан намын Зөвлөлдөх зөвлөлийн гишүүн
• Сонгинохайрхан дүүргийн Ардчилсан намын дарга

 

Ц.Мөнх