Өглөө.мн Шинэ өглөө, Шинэ мэдээлэл
Эхний улиралдаа зохиогдож байгаа Эмэгтэй Үндэсний Супер Лигт анх удаа легионер тамирчин хүрэлцэн ирлээ. СБЛ Хасын Хүлэгүүд багт ирсэн холбон тоглогч Destiny Mason,өчигдөр лигийн хамгийн хүчирхэг багуудын нэг Баянгол Фалконс багийн эсрэг тоглолтонд гараанд гарч тоглолоо. Улмаар 20 минутыг талбай дээр өнгөрүүлж, 7 оноо, 4 самбараас бөмбөг авалт хийлээ.
Фалконсчууд энэ улиралд ШУТИС Шаркс багт Майжаргалын баззер шотоор хожигдож, цорын ганц ялагдлаа амсаад байсан. Өчигдөр болсон тоглолтонд тэднээс Ж.Мөнхсувд 24 оноо, 11 самбар, Д.Ганзул 11 оноо, Б.Солонго 8 оноо, 17 самбар авсан.
Гэсэн ч шинэ эрч хүч сэлбэсэн Хүлэгүүд баг энэ өдөр гайхалтай байж чадлаа. Тэднээс багийн лидер Б.Ундрах 26 оноо, 5 бөмбөг таслалт, ахлагч Булбул 9 оноо, 10 самбар, Энэрэл 8 оноо, 10 самбар авсан. Улмаар 68:62 харьцаатай Хүлэгүүд ялалт байгуулж, улирлын 5 дахь хожлоо авлаа.
Харин Фалконсчууд улирлын 2 дахь хожигдлоо хүлээж байна. Ингэснээр эдгээр багууд ижилхэн 5 хожил, 2 хожигдолтой болж, эмэгтэй Үндэсний Супер Лигийг тэргүүлж байна.
Эх сурвалж: ssport.mn
