Өглөө.мн Шинэ өглөө, Шинэ мэдээлэл
Монгол Улсын 3 сая дахь иргэн, түүний чацуутныг алдаршуулах хүндэтгэлийн арга хэмжээ өнөөдөр Монголын Хүүхдийн ордонд боллоо. Тус арга хэмжээг Хүн амын хөгжил, нийгмийн хамгааллын яамнаас Хүүхдийн төлөө үндэсний газар, Нийгмийн халамж үйлчилгээний ерөнхий газар, Нийгмийн даатгалын ерөнхий газар, Сэргээн засалт хөгжлийн үндэсний төвтэй хамтран зохион байгууллаа.
Монгол Улсын 3 сая дахь иргэнийг алдаршуулах хүндэтгэлийн арга хэмжээг Хүн амын хөгжил, нийгмийн хамгааллын сайд С.Эрдэнэ өдөрлөгийг нээж үг хэллээ. Мөн Монгол Улсын Хөдөлмөрийн баатар, Японы мэргэжлийн сүмо бөхийн 68 дахь их аварга Д.Дагвадорж, МУГЖ НҮБ-ын хүүхдийн элч дуучин Т.Ариунаа нар хүрэлцэн ирж мэндчилгээ 3 сая дахь иргэн болон чацуутнуудад эрүүл энхийг хүсэн ерөөлөө.
Энэ үеэр нийслэл хотод төрсөн Монгол Улсын 3 сая дахь иргэнтэй үе чацуутан 15 хүүхдийн эцэг эхэд батламж, ХТҮГ-ын бэлэг, гурван сая төгрөгийн хадгаламжийн дэвтрийг гардуулан өгөв.
Ш.Ганчимэг
Эх сурвалж:
