Өглөө.мн Шинэ өглөө, Шинэ мэдээлэл
Мэргэжлийн сумогийн 69 дэх аварга Хакухо Даваажаргал энэ сарын 15 буюу ирэх ням гаригт эх орондоо ирнэ. Тэрбээр кюүшюү башёд түрүүлж, Японы мэргэжлийн сүмогийн түүхэнд рекорд тогтоосон Тайхо их аваргын амжилттай зэрэгцсэн юм. Ингэж Японы үндэсний спортын дээд амжилтыг эвдсэн түүнийг Мэргэжлийн сүм бөхийн холбооны Ерөнхийлөгч Хитаноуми “Хакүход одоогоор өрсөлдөгч алга даа” хэмээн үнэлсэн билээ.
Дашрамд дуулгахад сар шинийн үеэр Хакуход Хөдөлмөрийн баатар цол олгох тухай яригдаж буй. Мөн саяхан түүнийг Монгол Улсын Соёлын элчээр томилж, гэрчилгээ, 33 дугаартай дипломат паспортыг Ерөнхий сайд Ч.Сайханбилэг гардуулаад байгаа юм.
