Өглөө.мн Шинэ өглөө, Шинэ мэдээлэл
Нийслэлийн Засаг дарга “Эрх шилжүүлэх тухай” А/122 дугаар захирамж гаргалаа. Захирамжаар нийслэлийн төсвийн хөрөнгөөр 2015 онд санхүүжих Орон сууцны хороолол доторх гадна дулаан, ус хангамж, ариутгах татуургын шугам сүлжээний өргөтгөл, шинэчлэлтийн ажлын жагсаалтыг баталж, батлагдсан төсөл арга хэмжээний худалдан авах ажиллагааны эрхийг нийслэлийн Засаг даргаас Орон сууц нийтийн аж ахуйн удирдах газарт шилжүүллээ.Хөрөнгө оруулалтын ажлыг гүйцэтгэлээр санхүүжүүлэхийг Тамгын газрын Санхүү, төрийн сангийн хэлтэст, захиалагчийн хяналт тавьж ажиллахыг нийслэлийн Хөрөнгө оруулалтын газарт, хөрөнгө оруулалтаар бий болсон хөрөнгийг нийслэлийн өмчид бүртгэн авч, эзэмшилт, ашиглалтын байдалд хяналт тавьж ажиллахыг нийслэлийн Өмчийн харилцааны газарт тус тус даалгалаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
ОРОН СУУЦНЫ ХОРООЛОЛ ДОТОРХИ ГАДНА ДУЛААН,
УС ХАНГАМЖ, АРИУТГАХ ТАТУУРГЫН ШУГАМ СҮЛЖЭЭНИЙ
ӨРГӨТГӨЛ, ШИНЭЧЛЭЛТИЙН АЖЛЫН ЖАГСААЛТ
УС ХАНГАМЖ, АРИУТГАХ ТАТУУРГЫН ШУГАМ СҮЛЖЭЭНИЙ
ӨРГӨТГӨЛ, ШИНЭЧЛЭЛТИЙН АЖЛЫН ЖАГСААЛТ
| № | Төсөл, арга хэмжээний нэр, хүч чадал, байршил | Хугацаа | 2015 онд санхүүжих |
| 1 | 15 дугаар хорооллын УДДТөв-37б барилгыг шинээр барих угсралтын ажил 12 м*12 м /БЗД 7дугаар хороо/ | 2015 | 252,8 |
| 2 | 5 дугаар хорооллын орон сууцны 24, 26 дугаар байр, хүүхдийн 100 дэлгүүрийн орчмын халаалт хэрэгцээний халуун, хүйтэн усны шугам шинэчлэн солих ажил 520 у/м /Сүхбаатар дүүрэг, 3 дугаар хороо/ | 2015 | 93,9 |
| 3 | 60.0-ын хорооллын 62 дугаар байрны бохирын худаг БХ-1-ээс БХ-25 худаг хүртэл ариутгах татуургын шугам сүлжээг өргөтгөн шинэчлэх ажил 627 у/м /Сүхбаатар дүүрэг, 4 дүгээр хороо/ | 2015 | 211,5 |
| 4 | 11 дүгээр хорооллын Оюутны 16 дугаар байрны гадна дулаан, хэрэгцээний халуун хүйтэн усны шугам шинээр сольж угсрах ажил 498 у/м /Сүхбаатар дүүрэг 7 дугаар хороо/ | 2015 | 82,0 |
| 5 | 220.0 мянгатын хорооллын “Энх тулга-Өргөө” ОНӨААТҮГ-ын 23, 24, 25, 26, 27, 28 дугаар байруудын хэрэгцээний халуун усны шугам хоолойн угсралтын ажил /Сүхбаатар дүүрэг, 2 дугаар хороо/ | 2015 | 123,4 |
| 6 | Бага тойргийн 51, 52, 53 дугаар байрны оруулга хүртэлх гадна дулаан,цэвэр усны 5 хос шугам солих ажил 500 у/м /Чингэлтэй дүүрэг, 6 дугаар хороо/ | 2015 | 80,2 |
| 7 | Бага тойргийн 42 дугаар байрны гадна дулаан хэрэгцээний халуун, хүйтэн усны шугам шугам солих ажил 400 у/м/ЧД, 6 дугаар хороо/ | 2015 | 54,2 |
| 8 | 4 дүгээр хорооллын 43 дугаар байрны халаалтын өгөх, буцах шугам солих ажил 147,4 у/м /Баянгол дүүрэг, 17 дугаар хороо/ | 2015 | 149,6 |
| 9 | 96 дугаар сургуулийн дулааны худгаас 42 дугаар байрны оруулга хүртэлх халаалт, хэрэгцээний халуун, хүйтэн усны шугам солих ажил 190 у/м /Баянгол дүүрэг, 18 дугаар хороо/ | 2015 | 120,6 |
| 10 | 2 дугаар хорооллын 50 дугаар байрны БУХ-1-ээс БУХ-7 худаг хүртэлх гадна бохирын шугам солих ажил 146 у/м /Баянгол дүүрэг, 3 дугаар хороо/ | 2015 | 27,3 |
| 11 | 15 дугаар хорооллын шинээр баригдах УДДТөв-37б-гийн 1, 2 дугаар хэлхээний гадна дулаан, усны шугам зөөж угсрах, зам талбайн ажил /Баянзүрх дүүрэг, 7 дугаар хороо/ | 2015 | 450,8 |
| 12 | Орон сууцны 23а, б, в, г байрны халаалт хэрэгцээний халуун, хүйтэн усны шугамын өргөтгөл, шинэчлэн солих ажил 516 у/м /Сонгинохайрхан дүүрэг, 29 дүгээр хороо/ | 2015 | 100,5 |
| 13 | 21 дүгээр хорооллын УДДТ-өөс 8А,8Б,8В байр хүртэлх гадна халаалт, халуун хүйтэн усны шугам солих, зам талбайн угсралтын ажил /Сонгинохайрхан дүүрэг, 19 дүгээр хороо/ | 2015 | 167,3 |
| 14 | 1 дүгээр хорооллын 32 дугаар байрны 6 дугаар орцноос-12 орц хүртэл халуун хүйтэн усны магистраль шугам шинэчлэн солих ажил 620 у/м /Сонгинохайрхан дүүрэг, 17 дугаар хороо/ | 2015 | 57,3 |
| 15 | “Өнөр тулга өргөө” ОНӨААТҮГ-ын Үйлчилгээний нэгдсэн төвийн халаалтын шугамын угсралтын ажил 400 у/м /Сонгинохайрхан дүүрэг, 17 дугаар хороо/ | 2015 | 28,6 |
| ДҮН | 2000,0 |
