Өглөө.мн Шинэ өглөө, Шинэ мэдээлэл
Цагдаагийн байгууллагын түүхт 94 жилийн ой, “Цагдаагийн алба хаагчдын өдөр”-т зориулсан ёслолын үйл ажиллагаа Төв цэнгэлдэх хүрээлэнд ёслол төгөлдөр болж өнгөрлөө. Ёслолын үйл ажиллагаанд Хууль зүйн дэд сайд Ц.Уугангэрэл, Монгол төрийн генералууд, төр захиргааны байгууллагын удирдлагууд, Монгол Улсад суугаа онц бөгөөд бүрэн эрхт Элчин сайдууд, цагдаагийн алба хаагчдын гэр бүл, үр хүүхдүүд, үе үеийн ахмадууд, иргэд өргөнөөр оролцлоо. Энэ үеэр Улаанбаатар цагдаагийн хүрээний байгууллагуудын ёслолын жагсаал, мэргэжлийн алба, хэлтсүүдийн үзүүлэх тоглолт, хүчит бөхийн барилдаан, урлагийн тоглолт зохион байгуулсан юм. Монголын цагдаагийн сүр хүч цагаан шонхор шигээ өөдөө хийморьтой байх болтугай.
